အာလူးထောင်းရနံ့မွှေးကြော်

အာလူးထောင်းရနံ့မွှေးကြော်

ကလေး၊ လူကြီးအားလုံးအကြိုက်တွေ့စေမယ့် အာလူးကြော်လေးပါ။

ပါဝင်ပစ္စည်းများ

အာလူး ▪▪▪ ၃၀ သား ( ပြုတ်ပြီး )
ကြက်ဥ ▪▪▪ ၁ လုံး
ပင်စိမ်းအရွက် ▪▪▪ ၂၀ ရွက်ခန့်
နံနံပင်အရွက် ▪▪▪ ၃၀ ရွက်ခန့်
ငရုတ်ကောင်းမှုန့် ▪▪▪ လက်ဖက်ရည်ဇွန်း ၄ ပုံ ၁ ပုံ
ဆီ
ဆား
အသားမှုန့်

ချက်ပြုတ်နည်း

၁။ နူးအောင်ပြုတ်ထားတဲ့ အားလူးများကို ကြေအောင်ပြုလုပ်ပါ။ သန့်စင်ထားပြီးတဲ့ ပင်စိမ်းအရွက်နဲ့ နံနံပင်အရွက်များကို နုပ်နုပ်လှီးထားပါ။
၂။ ဇလုံတစ်လုံးထဲကို အာလူး၊ ကြက်ဥ၊ အရွက်၂ မျိုး၊ ငရုတ်ကောင်းမှုန့်၊ ဆားနဲ့ အသားမှုန့်တို့ကိုထည့်ပြီး နှံ့သွားအောင်ရောကာနယ်ပါ။
၃။ ဆီအမြုပ်ကြော်ဖို့အတွက် ဆီကိုအပူပေးပါ။ နယ်ထားတဲ့အာလူးများကို စားပွဲဇွန်း ၁ ဇွန်းစာယူပြီး ဆီပူပူထဲထည့်ကာကြော်ပါ။ ရွှေရောင်သမ်းပြီး ကြွပ်ရင်ဆီစစ်ထားလိုက်ပါ။ ရနံ့မွှေးအာလူးကြော်ရပါပြီ။
မိမိနှစ်သက်ရာ အချဉ်တစ်မျိုးနဲ့ဖြစ်စေ၊ ထမင်းပူပူကိုဆီစမ်းပြီးတော့ဖြစ်စေ ပူပူနွေးနွေးသုံးဆောင်နိုင်ပါပြီရှင့်။
Crd.ဟင်းကောင်း လက်ရာ See less