အာလူးခြစ်ကြော် ရွရွလေး

အာလူးခြစ်ကြော် ရွရွလေး

ပါဝင်ပစ္စည်းများ

အခွံခွာပြီးအလုံးလိုက် ရေစင်အောင်ဆေးကာ အသီးခြစ်သော ခြစ်ခပ်ကြမ်းကြမ်းနှင့် ခြစ်ထားသောအာလူး - 500 g

ဆား - လက်ဖက်ရည်ဇွန်း တဝက်

အချိုမှုန့် - လက်ဖက်ရည်ဇွန်း တဝက်သာသာ

ဆိုဒါ - လက်ဖက်ရည်ဇွန်း တဝက်မရှိတရှိ

နနွင်းမှုန့် - လက်ဖက်ရည်ဇွန်း သုံးပုံတပုံ

တန်ပူရာအကြော်မှုန့် - ထမင်းစားဇွန်း ၂ဇွန်းမောက်မောက်

ညက်နေအောင်ထောင်းပြီး အရည်ယူထားသောချင်း - လက်တဆစ်သာသာ

ငရုတ်ကောင်းမှုန့် - လက်ဖက်ရည်ဇွန်း တဝက်မရှိတရှိ

အားလုံးကို ဇလုံတစ်လုံးမှာထဲ့ပြီး ခပ်ဖွဖွလေးနယ်ပေးထားပါ

ကြော်ဖို့ပြင်ပါမယ်

မကပ်တဲ့ဒယ်အိုးတစ်လုံးကိုအပူပေးပါ

အိုးပူလာပါက မီးရှိန်နဲနဲလျှော့ပြီး ဆီလက်ဖက်ရည်အကြမ်း ပန်းကန်နှစ်လုံးစာလောက်ထဲ့ပေးပါ

ဆီပူလာပြီးကျက်လာပါက အရသာနယ်ထားသော အာလူးခြစ်ကို အနေတော်ယူကာ အသာအရာ ဆုတ်ပြီး ဆီအိုးထဲထဲ့ပေးပါ

အာလူးယူစဉ် ပါလာသောအရည်များကို ညှစ်မချပြစ်ဘဲ ဒီအတိုင်းအာလူးဆုတ်ကို ထဲ့ကြော်ပေးပါ

မီးအရမ်းမများစေရန် သတိထားပါ တစ်ဖက်ရွှေဝါရောင်းသန်းလာပါက နောက်တစ်ဖက်ကို လှန်ပြီးကြော်ပေးပါ

နှစ်ဖက်လုံး ရွှေဝါရောင်သန်းလာရင် ဆယ်ပြီးဆီစစ်ပေးပါ

ဆီစစ်သွားပါက အရသာရှိသော အာလူးခြစ်ကြော်မွှေးမွှေး စိမ့်စိမ့်ရွရွလေးကို သုံးဆောင်နိူင်ပါပြီ။

Crd.marmar See less