လက်ဖက်ပဲသီးတောင့်ရှည်ထောင်းသုပ်နည်း

၁။ ပဲသီးတောင့်ရှည် - ၁၀ သား (သို့) ၆.၄ အောင်စနည်းပါး

၂။ ပုဇွန်ခြောက် - ထမင်းစားဇွန်း ၂ ဇွန်း

၃။ မြေပဲလှော် - ထမင်းစားဇွန်း ၂ ဇွန်း

၄။ ငရုတ်သီးစိမ်း အနီတောင့် - ၃ တောင့်

၅။ ကြက်သွန်ဖြူ - ၃ မွှာ

၆။ ဦးကာက ဇယန်းနှပ်လက်ဖက် - ထမင်းစားဇွန်း ၂ ဇွန်း

၇။ ငါးငံပြာရည် - လက်ဖက်ရည်ဇွန်း ၁ ဇွန်းခွဲ

၈။ သကြား - လက်ဖက်ရည်ဇွန်း တဝက်

၉။ သံပုရာသီး - ၂ စိတ်
( ထမင်းစားဇွန်း = 1 tablespoon = 15 ml)
(လက်ဖက်ရည်ဇွန်း = 1 teaspoon = 5 ml)

=======
ပြုလုပ်နည်း
=======

၁။ ပဲသီးတောင့်ကို ၂ လက်မအရှည်ဖြတ်ထားပါ။ အိုးကြီးကြီးတလုံးထဲကို ရေထည့်ပြီးပွက်အောင်တည်ပါ။ ပွက်လာလျှင် ပဲသီးတောင့်များကိုထည့်ပြီး မီးဖိုပေါ်မှချပါ။ ၃ မိနစ်လောက်နေလျှင် ပဲသီးတောင့်များကို ရေအေးဖြင့် ပြန်ဆေးပြီး ရေစစ်ထားပါ။

၂။ ငရုတ်ဆုံထဲကို ငရုတ်သီးစိမ်း၊ ကြက်သွန်ဖြူ နှင့် ဦးကာကဇယန်းနှပ်လက်ဖက်တို့ကိုထည့်ရျ် မညက်တညက်ဖြစ်အောင်ထောင်းပါ။ ငါးငံပြာရည်၊ သကြား၊ သံပုရာသီးမှအရည်ညှစ်ထည့်ပါ။

၃။ ထို့နောက် မြေပဲလှော်နှင့် ပုဇွန်ခြောက် ထည့်ရျ် မညက်တညက်အနေအထားထောင်းပါ။ ပြီးလျှင် ရေနွေးဖျောထားသော ပဲသီးတောင့်ရှည်များကိုထည့်ထောင်းပါ။ ပဲသီးတောင့်ရှည်ထဲကို အရသာများစိမ့်ဝင်သွားသည်အထိထောင်းပါ။

၄။ အလွန်စားကောင်းသော လက်ဖက်ပဲသီးတောင့်ရှည်ထောင်းကို သုံးဆောင်နိုင်ပါပြီရှင်။

#EiSanshomemadeinspiration