မျှစ် ငါးကျည်း ငါးပိချက်

မျှစ်ချို နု အတုံးလိုက်ကလေးတွေကို ရေဆေးပြီးလေးစိတ်စိတ်ပါ။

မျှင်ငါးပိနဲ့ချက်မယ်ဆိုရင် မျှင်ငါးပိကို ပျစ်ပျစ်လေး ရေဖျော်ထားပါ။

ငါးငါးပိနဲ့ချက်မယ်ဆိုရင် ငါးငါးပိကိုကျို ပြီးစစ်ထားပါ။

မန်ကျည်းမှည့်ကို ရေစိမ်ထားပါ။

ကြက်သွန်ဖြူ +နီနဲ့ငရုတ်သီးထောင်းထားပါ။

ငါးကျည်းအကောင်တန်တန်တွေကို ကိုင်တွယ်သန့်စင်ပြီး

ဆား၊နနွင်းမှုန့်၊ငံပြာရည်၊Dashi(အချိုမှုန့်သုံးရင်အချိုမှုန့်)

နည်းနည်းစီထည့်နယ်ထားပါ။

အိုးထဲကို မျှစ်တုံးတွေ၊ငါးကျည်း၊ငရုတ်သီးထောင်းထားရယ်၊

ငရုတ်သီးစိမ်းထဲက အမှည့်အနီရောင်အတောင့်ကိုထက်ခြမ်းခွဲထားတာရယ်၊

ဆီနည်းနည်းရယ်ထည့်ပြီး မီးဖိုပေါ်တင်ပါ။

ဗျစ်ဗျစ်မြည်လာရင် မကပ်အောင်အသာမွှေပေးပါ။

ငရုတ်သီးစိမ်းနံ့ပျောက်ရင် ရေမြု ပ်ရုံလေးထည့်တည်ပါ။

ငါးနဲ့မျှစ်က သိပ်မတည်ရဘဲ မြန်မြန်ကျက်ပါတယ်။

ငါးနဲ့မျှစ်ကျက်ရင် ငါးပိဖျော်ထားတာလောင်းထည့်ပါ။

မျှင်ငါးပိရဲ့သဘောက အစောကြီးကတည်းကထည့်ထားရင် ခါးသက်သက်ဖြစ်တတ်လို့ကြာကြာမတည်ရပါဘူး။

မန်ကျည်းမှည့်ရည်လောင်းထည့်ပါ။

မန်ကျည်းရည်ရဲ့သဘာဝက အသီးအရွက်မနူးခင်ထည့်မိရင်

အဲဒီအသီးအရွက်တွေ မနူးတော့ဘဲ စိမ်းဆတ်ဆတ်ကြီးဖြစ်နေတတ်ပါတယ်။

ဆူပွက်လာရင် အရသာလိုသလိုမြည်းပြီး

ပင်စိမ်းရွက်နဲ့ရှမ်းနံနံပါးပါးလှီးထားတာလေးထည့်မွှေပြီး ချပါမယ်။

အဲဒီအရွက်တွေကို စောစောထည့်ရင် အရွက်အရောင်မည်းသွားသလို

အနံ့လည်းလျော့သွားတတ်လို့နောက်ဆုံးမှထည့်ပါတယ်။

Credit link : https://m.facebook.com/story.php?story_fbid=1131054356933172&id=624725784232701