မုန့်ပစ်စလက်

မုန့်ပစ်စလက် (သို့) မုန့်ပျားသလက် ( သို့) မုန့်ပစ်သလက်

မုန့်ပစ်စလက်ကို မနက်စာပဲစားစား ညနေ အစာပြေပဲစားစား အရမ်းကို စားလို့ကောင်းပါတယ်။ နှမ်းထောင်းမွှေးမွှေးလေးနဲ့အလွန် အ၇သာရှိတာပါ။ အိမ်မှာလဲ အလွယ်တကူလုပ်စားလို့၇လို့လုပ်စားကြည့်နော်။

ပါဝင်သောပစ္စည်းများ
၁။ ဆန်မှုန့်- ၃ ခွက်
၂။ ရေ - ၄ ခွက်
၃။ တဆေး (yeast) - လက်ဖက်ရည်ဇွန်း ၁ ဇွန်း ခွဲ
၄။ ဆား - လက်ဖက်ရည်ဇွန်း ၁ ဇွန်း
၅။ ပဲပြုတ် - လက်တဆုပ်စာ
၆။ ကြက်သွန်မြိတ်(ပါးပါးလှီး) - ၂ ပင် (သို့) ၃ ပင်
၇။ ဆီ

နှမ်းထောင်း အတွက် - နှမ်းလက်ဖက်ရည်ဇွန်း ၃ ဇွန်း နှင့် ဆား လက်ဖက်ရည်ဇွန်း ၁ ဇွန်း တို့ကို ထောင်းထားပါ။

ပြုလုပ်နည်း
၁။ ဆန်မှုန့်၊ ရေ၊ ဆားနှင့်တဆေးတို့ကို အရည်ဖျော်ပြီး တည သိပ်ထားပါ။ အနည်းဆုံး ၈ နာရီခန့်ထားပါ။(နောက်နေ့မနက်စားရန်အတွက်)
၂။ မကပ်သော ကြက်ဥကြော်သော အရွယ် ဒယ်အိုးကို သုံးရင် ပို အဆင်ပြေပါတယ်။ ဒယ်အိုး အကြီးကိုသုံးမည် ဆိုရင် မုန့်အနှစ်ထဲ မှာ ရေလျော့ထည့်ပါ။ (မုန့်သားမထူမှာစိုးလို့ပါ။)
၃။ ဒယ်အိုးထဲကို ဆီ အနည်းငယ် (ဆီစွတ်ရုံ) ထည့်ပြီး medium heat ဖြင့် အပူပေးပါ။ အိုး ပူလာလျှင် တညသိပ်ထားသော မုန့်နှစ်ကို ယောက်ချိုဇွန်း ၁ ဇွန်းခွဲ ခန့်ထည့်ပါ။ ပြီးလျှင် အပေါ်မှ ပဲပြုတ် နှင့် ကြက်သွန်မြိတ်ကို ဖြူး ထည့်ပါ။ (မီးအေးအေး medium heatနှင့်ပဲလုပ်ပါ။)
၄။ မုန့်သား မှာအပေါက်ကလေးများဖြစ်လာလျှင် အပေါ်မှ အဖုံးအုပ်ပြီး ၁ မိနစ် ခန့်ထားပါ။
၅။ ထို့နောက် မီးဖိုပေါ်မှ ချရျ် နှမ်းထောင်းလေးဖြူးပြီး သုံးဆောင်နိုင်ပါပြီ။

(၁ ခွက် = 240ml = ရိုးရိုးကော်ဖီခွက် ၁ ခွက်)(ထမင်းစားဇွန်း = 1 tablespoon = 15 ml) ( လက်ဖက်ရည်ဇွန်း = 1 teaspoon = 5 ml)
#credit