ပဲစောင်းလျှားသီးသုပ်

ပဲစောင်းလျှားသီးသုပ်
ပဲစောင်းလျှားသီးသုပ် ကို များသောအားဖြင့် ကြက်သွန်နီ၊ ပုဇွန်ခြောက်မှုန့်၊ မြေပဲမှုန့်နိုင်းနိုင်းနဲ့ သုပ်စားလေ့ ရှိပါတယ်။
ပါဝင်သောပစ္စည်းများ
1. ပဲစောင်းလျှားသီး ၄-၅ တောင့်
2. ငရုပ်ပွ အနီ အနည်းငယ်
3. ကိုရီးယား မုန်လာဥချဉ် ၁လက္မ အပိုင်းတပိုင်း
4. ငရုပ်သီးစိမ်း ၂ တောင့်
5. ကြက်သွန်နီ ၁ လုံး
6. ကြက်သွန်နီဆီချက် ၃ စားပွဲဇွန်း
7. မြေပဲမှုန့် ၁ စားပွဲဇွန်း
8. ဆား သင့်ရုံ
9. သကြား ၁/၄ လက်ဘက်ရည်ဇွန်း
10. သံပုရာရည် ၁ လက်ဘက်ရည်ဇွန်း
ပြုလုပ်နည်း
1. ပဲစောင်းလျှားသီးကို စွေစွေလေးလှီးပီး၊ ဆားထည့်ထားတဲ့ ရေနွေးဆူဆူတွင်ပြုတ်ပါ၊ အစိမ်းရောင်မပျက်ခင် ဆယ်ယူပီး ရေအေးစိမ်ပါ၊ ရေစစ်ပါ၊ ရေကုန်အောင် ဖွဖွ ညှစ်ထားပါ၊
2. ကြက်သွန်နီ၊ ကိုရီးယားမုန်လာဥချဉ်၊ ငရုပ်သီးစိမ်း၊ ငရုပ်ပွ အနီတို့ကို မထူမပါးလှီးပါ၊
3. အသီးရွက်တွေ အားလုံး အဆင်သင့်ဖြစ်တဲ့အခါ နယ်မည့် ဇလုံတွင်ထည့်၊ ပါဝင်ပစ္စည်း ၆ မှ ၁၀ အထိထည့်ပီး နယ်ပေးလိုက်ရင် ထမင်းမြိန်မည့် အသုပ်လေးတပွဲ ရပါပီရှင်။