ပုစွန်ချဉ်စပ်ဟင်းရည်

ပုစွန်လတ်.....................၂၀ကျပ်သား

အသားပြုတ်ရည်(သို့)ဟင်းရွက်ပြုတ်ရည်

စပါးလင်........................၃ပင်

ပဒဲကောသေးသေး..........၁တက်

ကြက်သွန်နီဥသေး.............၅လုံး

ခရမ်းချဉ်သီးသေး...............၃လုံး

တောရှောက်ခါးရွက်.............၅ရွက်

ရှမ်းနံနံ..............................၁စည်း

ငရုတ်သီးစိမ်း...................... ၅တောင့်

ငရုတ်ခြောက်တောင့်..............၅တောင့်

ပထမဆုံးအသားပြုတ်ရည်(သို့) အသီးအရွက် ပြုတ်ရည်တစ်ခုခုကိုတစ်လီတာခွဲခန့်ရအောင် ပြုတ်ထားပါ။

ပုစွန်ကိုအခွံခွာထားပါ။

ကြက်သွန်နီဥသေးကို (၂)စိတ်၊ခရမ်းချဉ်သီးကို(၄)စိတ်လှီးပါ။

ပဒဲကောကိုပါးပါးလှီး၊စပါးလင်ကို၃ပိုင်းပိုင်းကာဓားပြားရိုက်ထားပါ။

ရှမ်းနံနံကိုခပ်ပါးပါးလှီး၊တောရှောက်ခါးရွက်ကို ဖဲ့ခြွေထားပါ။

ငရုတ်သီးစိမ်းကိုဓားပြားရိုက်ပြီးငရုတ်ခြောက် တောင့်ကိုလှော်ပြီးနှစ်ပိုင်းညှပ်ထားပါ။

ပြုတ်ရည်ကိုအပူပြန်ပေးပါ။ စပါးလင်၊ပဒဲကော၊ငရုတ်သီးစိမ်း၊တောရှောက်ခါးရွက်တစ်ဝက်ခန့်ကိုထည့်ပါ။ကြက်သွန်နီထက်ခြမ်းခွဲတွေ လည်းထည့်ပြုတ်ပါ။

ငါးငံပြာရည်၊ဆား၊သကြား၊ဟင်းခတ်မှုန့်၊ကြက်သားမှုန့်၊မန်ကျည်းရည်၊သံပုရာရည်တို့ဖြင့် မိမိနှစ်သက်တဲ့ချိုချဉ်ငံစပ်အရသာကိုဖြည့်စွက်ပါ။

(မန်းကျည်းသီးမှည့်အညိုများအသုံးပြုပါကဟင်းရည်နှောက်သွားတတ်သည်ကိုသတိပြုပါ)

မိမိစိတ်ကြိုက်အရသာပြည့်စုံရင်ပုစွန်တွေ ထည့်ပါ။ခရမ်းချဉ်သီးစိတ်တွေကိုလဲချက်ချင်းဆိုသလိုထည့်ပါ။

ပုစွန်ကျက်သွားပြီဆိုရင်ကျန်နေတဲ့တောရှောက်ခါးရွက်၊ခရမ်းချဉ်သီး၊ရှမ်းနံနံနှင့်ငရုတ်ခြောက်တောင့်လှော်တွေထည့်ပါ။

(၅)မိနစ်ခန့်မီးရှိန်အေးအေးမှအဖုံးပိတ်ထား ပေးပါ။

မှတ်ချက်။

ဒီဟင်းရည်ချက်နည်းမှာအငံအတွက် (၂)မျိုး၊အချိုအတွက်(၃)မျိုး၊အချဉ်အတွက်(၂)မျိုး၊ အစပ်အတွက်(၂)မျိုး ကိုလိုက်လျောညီထွေအောင်ဖန်တီးနိူင်တယ်ဆိုတာကသူတို့ရဲ့ထူးခြားချက်ပါပဲ။

Credit to Win Naing Thein