နို့စိမ်းသရက်ကျောက်ကျော

၁။ သရက်သီး - အကြီး ၁ လုံး

၂။ ရေ - ၅၀၀ ml

၃။ နို့စိမ်း - ၂၅၀ ml

၄။ နွားနို့- ၂၅၀ ml

၅။ နို့ဆီ- ထမင်းစားဇွန်း ၄ ဇွန်း (သို့) ၅ ဇွန်း

၆။ သကြား - ထမင်းစားဇွန်း ၂ ဇွန်း (သို့) ၂ ဇွန်းခွဲ

၇။ သံပုရာသီး - တ စိတ်

၈။ ကျောက်ကျောမှုန့်- ထမင်းစားဇွန်း ၂ ဇွန်း

( ထမင်းစားဇွန်း = 1 tablespoon = 15 ml)

(လက်ဖက်ရည်ဇွန်း = 1 teaspoon = 5 ml)

ပြုလုပ်နည်း

၁။ နို့စိမ်းအလွှာပြုလုပ်ရန်အတွက် အိုးတခုထဲမှာ နို့စိမ်း၊နွားနို့၊ နို့ဆီ နှင့် ကျောက်ကျောမှုန့်ထမင်းစားဇွန်း ၁ ဇွန်းကိုထည့်ရျ် မီးဖိုပေါ်တည်ပါ။ ပွက်လာ
လျှင် မွှေပြီး ၅ မိနစ်ခန့်ဆက်တည်ပါ။ ထို့နောက် ခဲမည့်ဘန်းထဲကိုထည့်ပါ။ (ပုံထဲကလို မျိုးခွက်လေးနဲ့စောင်းစောင်းလေးလိုချင်လျှင် ခွက်ကို
စောင်းထားပြီး နို့စိမ်းအလွှာကိုအရင်ထည့်ခဲပါ။

၂။ နို့စိမ်းအလွှာဘန်းထဲထည့်ရျ် အအေးခံနေတုန်းမှာ သရက်သီးအလွှာအတွက် သရက်သီးကို အခွံနွှာ အတုံးလေးတွေတုံးပြီး ဖျော်ရည်ဖျော်စက် (blender)ထဲထည့်၊ သံပုရာသီးတစိတ်မှအရည်ညှစ်ထည့်၊ ရေ ၁၅၀ml ထည့်ရျ် ညက်နေအောင်ကြိတ်ပါ။ ထို့နောက် ဇကာဖြင့်တိုက်ရျ် သရက်သီးအမျှင်ဖတ်များကိုဖယ်ပါ။ သရက်သီးအနှစ်ရပါပြီ။

၃။ သရက်သီးကျောက်ကျောအလွှာအတွက် ရေ ၃၅၀ml၊ သကြား၊ ကျောက်ကျောမှုန့်ထမင်းစားဇွန်း ၁ ဇွန်းတို့ကိုထည့်ရ်ျမီးဖိုပေါ်မှပွက်လာသည်အထိတည်ပါ။ ပွက်လာလျှင် မွှေပြီး ၅မိနစ်ခန့်ဆက်တည်ပါ။ ထို့နောက်မီးဖိုမီးကိုပိတ်ရျ် သရက်သီးအနှစ်များကိုထည့်ပါ။ ကြက်ဥခလောက်သောအတံ(whisk)ဖြင့် သမအောင်ပြုလုပ်ပါ။ ပြီးလျှင် နို့စိမ်းအလွှာပေါ်ကိုဖြေးဖြေးချင်းလောင်းထည့်ပါ။

၄။ အအေးခံရျ် လိုအပ်သလိုလှီးပြီး နို့စိမ်းသရက်ကျောက်ကျောကိုသုံးဆောင်နိုင်ပါပြီရှင်။

Credit : Ei San