တုန်ယမ်းကန်စွန်းရွက်ကြော်

တုန်ယမ်းကန်စွန်းရွက်ကြော်
.........................
လွယ်လွယ်ကူကူကြော်လို့ရတဲ့ တုန်ယမ်းကန်စွန်းရွက်
ကြော်ကို တင်ပြပေးပါမယ်။ တုန်ယမ်းအနှစ်ကို Ready Made ပုလင်းလေးတွေ ဝယ်လို့ရပါတယ်။ ဒီအနှစ်နဲ့ပဲ ကြော်ပေးမှာပါ။

ပါဝင်ပစ္စည်းများ
- ကန်စွန်းရွက် - ၁ စည်း
(အရိုး၊ အရွက် ခွဲပြီး လှီးသင်ထားပါ)
- ကြက်သွန်ဖြူ - ၅ မြွှာ
- ငရုတ်သီးစိမ်း - ၁၀ တောင့်
- စိတ်ပြီး ချယ်ရီခရမ်းချဉ်သီး - ၅ လုံး
- Ready Made တုန်ယမ်းအနှစ် - လက်ဖက်ရည်ဇွန်း ၂ ဇွန်း
- ဆား - အနည်းငယ်
- ခရုဆီ - လက်ဖက်ရည်ဇွန်း ၁ ဇွန်း
- ငံပြာရည် - အနည်းငယ်
- ဆီ - အနည်းငယ်

ပြုလုပ်နည်း
၁။ ဆီအိုးကို မီးပြင်းပြင်းဖြင့် အပူပေးထားပါ။
၂။ ဇလုံတစ်လုံးထဲ ကန်စွန်းရွက်များမှလွဲပြီး ကန်စွန်းရိုးများနှင့် ပါဝင်ပစ္စည်းများ ရောထည့်ကာ ဆီအိုးထဲ အားလုံး တစ်ပေါင်းတည်းထည့်ပြီး အနည်းငယ်နွမ်းသွားအောင် ကြော်ပေးပါ။
၃။ ကျန်နေသော ကန်စွန်းရွက်ပိုင်းများထည့်ကာ နွမ်းရုံကြော်ပေးပြီး အဆုံးသတ်နိုင်ပါပြီ။
........................

Crd
ကိုသစ်ထူး