တို့ဟူးနှင့် ဝက်ကြိတ်သားကင်ချီကြော်

တို့ဟူးနှင့် ဝက်ကြိတ်သားကင်ချီကြော်
(Fried Minced Pork with Kimchi and Tofu)
...................................................................
ကျန်းမာရေးအတွက် မျှတစွာစားချင်သောသူများနဲ့ အချိန်တိုအတွင်း အဆီချနေသူများအတွက် တို့ဟူးနှင့် ဝက်ကြိတ်သားကင်ချီကြော်ဟင်းပွဲလေးကို
ရွေးချယ်ပေးလိုက်ပါတယ်။

ပါဝင်ပစ္စည်း
....................
• တို့ဟူး - ၁ တုံး (အနေတော်အတုံးလေးတွေတုံးထားပါ)
• ကြက်သွန်မြိတ် - ၁ ပင် (အလှဆင်ရန်)
(အကွင်းလိုက် ခတ်သေးသေးလေးတွေ ညှပ်ထားပါ)
• နှမ်း နက် - အနည်းငယ် (တို့ဟူးပေါ်မှာဖြူးရန်)

အုပ်စု (က)
• ဝက်ကြိတ်သား - ၅ ကျပ်သား
• ကင်ချီ - စားပွဲဇွန်း ၂ ဇွန်း (နုပ်နုပ်စဉ်းထားပါ)
• ပဲပိစပ် - လက်ဖက်ရည်ဇွန်း တစ်ဝက်
• နှမ်းဆီ - လက်ဖက်ရည်ဇွန်း ၂ ဇွန်း
• အသားမှုန့် - လက်ဖက်ရည်ဇွန်း ၁ ဇွန်း (ကိုရီးယား ဟင်းခတ်မှုန့်)
• ငရုတ်ကောင်းမှုန့် - အနည်းငယ်

ပြုလုပ်နည်း
......................
၁။ မကပ်သောဒယ်အိုးထဲကို အုပ်စု (က)မှ ပါဝင်ပစ္စည်းများအားလုံး ထည့်ကြော်ပါ။
ကင်ချီနွမ်းလာပြီး အသားကျက်လျှင်ရပါပြီ။ ဆားမြည်းပြီးလိုတာထပ်ဖြည့်ပါ။

၂။ စားပွဲပြင်မည့် ပန်းကန်ထဲပေါ်ကို တို့ဟူး တုံးလေးများတင်ပါ။
ကင်ချီနှင့် ဝက်ကြိတ်သားကြော်ကို အပေါ်မှနေ လိုသလောက်
လှမည့်ပုံစံလေးထားပြီးတင်ပါ။ နှမ်းနှင့် ကြက်သွန်မြိတ်လေးတွေနဲ့အလှဆင်ပြီး စားသုံးလို့ရပါပြီ။
..........................................

Crd. စည်လွင်