ငါးမျှစ်ချဉ်ချက် ချက်နည်း

- မျှစ်ချဉ် -၂၅ ကျပ်သား

- ငါးကြင်းဖြူ -၁၅ ကျပ်သား

- ကြက်သွန်နီ -၂လုံး

- အရောင်တင်မှုန့် -၂ဇွန်း

- နနွင်း -လက်ဖက်ဇွန်းတဝက်

- ဆား လက်ဖက်ဇွန်း -၂ဇွန်း

- ငါးငံပြာရည် -စားပွဲတင်ဇွန်း ၁ဇွန်း

- ဆီ -ဟင်းခတ်ဇွန်း ၁ဇွန်း

...ချက်နည်းကတော့ ဘာမှမခက်ပါဘူး။

မျှစ်ချဉ်ကို ရေဆေး အတုံးလေးများတုံး ထားပါ။

ငါးကြင်းဖြူကို အကြေးခွံထိုး ရေဆေး အနေတော်အတုံးလေးများတုံး ဆား နနွင်း ငါးငံပြာရည်များနယ်ထားပါ။

ဆီပူလာလျှင် ကြက်သွန်နီရဲအောင်ကြော် အရောင်တင်မှုန့်ထည့်ပါ။

ငရုတ်သီးအစိမ်းနံ့ပျောက်လျှင် နယ်ထားသောငါးများထည့်လုံးပါ။

အရည်ခန်းလာလျှင် မျှစ်ချဉ်တုံးများထည့်လုံးပါ။ ရေအနည်းငယ်ထည့် အဖုံးအုပ်ပေးပါ။

မျှစ်ချဉ်များနူးလာပြီဆိုလျှင် အရသာမြည်း လိုတာလေးဖြည့် ပင်စိမ်းရွက်လေးအုပ်ပါ။

ပင်စိမ်းနံ့သင်းသင်းလေးနဲ့ မျှစ်ချဉ်ဟင်းလေးရပါပြီ။