ငါးဘတ်ငါးဆားနယ်နှင့်ငရုတ်သီးစိမ်းအစပ်ချက်နည်း

ငါးဘတ်ငါးဆားနယ်...........၂၀ကျပ်သား

ကိုင်းခရမ်းချဉ်သီးမှည့်.........၅လုံး

ကြက်သွန်နီ....................၁လုံး

ကြက်သွန်ဖြူ...................၅တက်

ငရုတ်သီးစိမ်း................. ၂၀တောင့်

ပင်စိမ်း.........................၁စည်း

ဈေးကဝယ်လာတဲ့ငါးဘတ်ကိုရေဆေးသန့်စင်ပြီး အပိုင်းပိုင်းတုံးပါ။ရေခြောက်သည်အထိရေစစ်ထားပါ။

ဆားလက်တစ်ဆုပ်ခန့်နှင့်နယ်ပါ။ခြောက်သွေ့တဲ့ပလပ်စတစ်အိတ်ထဲထည့်ပါ။အိတ်ကို၃ထပ်၄ ထပ်လုံအောင်ထုတ်ပြီး(၂)ရက်ခန့်ဖိသိပ်ထားပါ။

ချက်မယ့်နေ့မှာရေပြန်ဆေးပါ။ရေစင်နေအောင် စစ်ထားပါ။

ကြက်သွန်နီ၊ ကိုင်းခရမ်းချဉ်သီးနှင့်ငရုတ်သီးစိမ်းတို့ကိုပါးပါးလှီးပါ။ကြက်သွန်ဖြူ ကိုညှက်အောင် ထောင်းပါ။

ဒယ်အိုးတစ်လုံးအတွင်းပါဝင်ပစ္စည်းအားလုံးရောထည့်ပါ။ဆီအနည်းငယ်၊နနွင်းမှုန့်၊အရောင်တင် မှုန့်နှင့်ဆီအနည်းငယ်ထည့်ပြီးအဖုံးပိတ်ချက်ပါ။

ရေခမ်းပြီးအနှစ်ကျလာလျှင်အဖုံးဖွင့်ပြီးဖြည်းညင်းစွာမွှေပေးပါ။

ရေဆေးထားတဲ့ငါးဆားနယ်တွေထည့်ပါ။လိုအပ်ပါကရေအနည်းငယ်ဖြည့်စွက်ပါ။

နောက်တစ်ကြိမ်ရေခမ်းသည်အထိချက်ပေးပါ။

ပင်စိမ်းရွက်ခပ်များများလေးအုပ်ပေးပါ။