ငါးပြေမနှင့်စောင်းလျားသီးချဉ်စပ်ဆီပြန်ချက်နည်း

ငါးပြေမ......................၃၀ကျပ်သား

စောင်းလျားသီးမှည့်..........၁လုံး

ကြက်သွန်နီ.................၁လုံး

ကြက်သွန်ဖြူ................၅တက်

ငရုတ်သီးခြောက်..........၇တောင့်ခန့်

ခရမ်းချဉ်သီးမှည့်...........၃လုံး

နံနံပင်.........................အနည်းငယ်

ငါးပြေမကိုကြေးခွံထိုးပါ။

ပါးဟပ်၊ဆူးတောင်လေးများနှင့်အမြီးကိုဖြတ်ပါ။
ဆူးတောင်လေးတွေကိုင်တဲ့အခါသတိထားပါ။ ငါးပြေမဆူးတောင်ဆူးမိရင်အဆိပ်တက်ပြီးအနာရင်းစေတတ်ပါတယ်။

ရေဆေးသန့်စင်ပြီးနှစ်ပိုင်းပိုင်းကာအရသာအနည်းငယ်နယ်ထားပါ။

ကြက်သွန်နီ ၊ ကြက်သွန်ဖြူ နှင့်ငရုတ်ခြောက်တောင့်တို့ကိုညှက်အောင်ထောင်းပါ။

ခရမ်းချဉ်သီးနှင့်နံနံပင်ကိုပါးပါးလှီးပါ။
စောင်းဝါးသီးကိုမထူမပါးအကွင်းလိုက်လှီးပါ။

ဒယ်အိုးတစ်လုံးမှာဆီအနည်းငယ်ကိုအပူပေးပြီးထောင်းထားတဲ့အရောကိုနနွင်းမှုန့်၊အရောင်တင်မှုန့်အနည်းငယ်
တို့ဖြင့်ဆီသတ်ပါ။

မွှေးပြီးနွမ်းလာလျှင်ခရမ်းချဉ်သီးတွေထည့်ပါ။

ဆား၊ငါးငံပြာရည်၊ဟင်းခတ်မှုန့်တို့ဖြင့်အရသာဖြည့်စွက်ပြီးခေတ္တအဖုံးအုပ်ထားပါ။

ခရမ်းချဉ်သီးအနှစ်ကျပြီဆိုလျှင်စောင်းဝါးသီးတွေထည့်ပါ။

(၃)မိနစ်ခန့်မွှေချက်ပြီးအချဉ်ဓာတ်စိမ့်ထွက်လာချိန်ရောက်မှအရသာနယ်ထားတဲ့ငါးပြေမတွေ
ထည့်ပါ။

ငါးအသားနှုးပြီးရေခမ်း၊ဆီပြန်လာလျှင်နံနံပင်လေးအုပ်ပေးပါ။

မှတ်ချက်။ နှစ်သက်ပါကကြက်သွန်အရောဆီသတ်ချိန်မှာမဆလာလေးအနည်းငယ်ထည့်နိူင်ပါတယ်။
-
credit

Credit : Facebook Shares

Ingredients