ငါးကြီးသားခြောက်နှင့်ခရမ်းချဉ်သီးအနှစ်ချက်

ငါးကြီးသားခြောက်............၁၅ကျပ်သား

ကြက်သွန်နီ....................၁လုံး

ကြက်သွန်ဖြူ. ..................၅တက်

ခရမ်းချဉ်သီးမှည့်................၅လုံး

ငရုတ်ခြောက်တောင့်...........၅တောင့်ခန့်

ကြက်သွန်ဖူး....................၅ပင်ခန့်

နံနံပင်...........................အနည်းငယ်

ငါးခြောက်ကိုအတုံးငယ်လေးများတုံးပြီးရေစိမ်ထားပါ။ချက်ခါနီးမှရေစင်အောင်ဆေးပြီးရေစစ်ထားပါ။

ကြက်သွန်နီ ၊ဖြူ၊ ၊ငရုတ်ခြောက်တောင့်တို့ကိုညှက်နေအောင်ရောထောင်းပါ။

ခရမ်းချဉ်သီးကိုပါးပါးလှီးပါ။

ဒယ်အိုးတစ်လုံးမှာထောင်းထားသောအရောကိုဦးစွာထည့်ပြီး နနွင်းမှုန့်၊အရောင်တင်၊ဟင်းခတ်မှုန့်တို့ကို ထည့်ပြီးမှလှီးထားတဲ့ခရမ်းချဉ်သီးတွေကိုအုပ်ထည့်ပေးပါ။

ဆီကိုဘေးပတ်လည်ကလောင်းထည့်ပြီးမီးအေးအေးမှာအဖုံးပိတ်ကာရေခမ်းဆီပြန်သည်အထိချက်ပါ။

အနှစ်ကျပြီဆိုမှရေဆေးထားတဲ့ငါးခြောက်အတုံးလေးတွေထည့်ကာရေခမ်းဆီပြန်သည်သည်အထိချက်ပါ။

ကြက်သွန်ဖူး၊နံနံပင်လေးအုပ်ပြီးမိမိနှစ်သက်ရာတို့စရာများနှင့်တွဲဖက်သုံးဆောင်ပါ။

မှတ်ချက်။ ယနေ့ကြက်သွန်ဖူးမရလို့ အရောင်စပ်လှအောင်ပဲတောင့်ရှည်လေး၃တောင့်လောက်ကို ၁လက်မအရွယ်လှီးဖြတ်ပြီးထည့်ထားပါကြောင်း။

ဟင်းချက်နည်းများ Page
Credit : (Facebook Share)