ချဉ်ငံစပ် မျှစ်ပဲပြုတ်သုပ်

ချဉ်ငံစပ်အရသာလေးနဲ့ရယ် ပဲပြုတ်ရဲ့ဆိမ့်ဆိမ့်အရသာလေးရယ်နဲ့ တော်တော်လေးကို စားလို့ကောင်းတယ်။ သုပ်စားကြည့်နော်။

ပါဝင်သောပစ္စည်းများ

၁။ မျှစ် - ၁၅ ကျပ်သား

၂။ ပဲပြုတ် - လက် ၂ ဆုပ်စာ

၃။ ငရုတ်သီးဆီချက် - ထမင်းစားဇွန်း ၁ ဇွန်း

၄။ ကြက်သွန်နီ ဆီချက် - ထမင်းစားဇွန်း ၁ ဇွန်း

၅။ ငရုတ်သီးအကြမ်းမှုန့် - ထမင်းစားဇွန်း ၁ ဇွန်း

၆။ ငါးငံပြာရည် - ထမင်းစားဇွန်း ၁ ဇွန်း

၇။ စိမ်းစားငပိ - လက်ဖက်ရည်ဇွန်း လေးပုံတပုံ

၈။ သကြား - လက်ဖက်ရည်ဇွန်း တဝက်

၉။ မန်ကျည်းမှည့်ရည် - ထမင်းစားဇွန်း ၂ ဇွန်း (သို့) ထမင်းစားဇွန်း ၃ ဇွန်း

၁၀။ ရေ - ထမင်းစားဇွန်း ၃ ဇွန်း

( ထမင်းစားဇွန်း = 1 tablespoon = 15 ml)

(လက်ဖက်ရည်ဇွန်း = 1 teaspoon = 5 ml)

ပြုလုပ်နည်း

၁။ မျှစ်ကို ရေဆေးပြီး ၅ မိနစ်ခန့်ပွက်ပွက်ဆူနေသော ရေနွေးအိုးထဲထည့်ပြုတ်ပြီး ရေစစ်ရျ် အအေးခံထားပါ။ ငပိကို ရေ ထမင်းစားဇွန်း ၃ ဇွန်းဖြင့် ဖျော်ထားပါ။

၂။ ဇလုံထဲကို မျှစ်နှင့် ပဲပြုတ်ထည့်၊ ဖျော်ထားသော ငပိရည်၊ မန်ကျည်းမှည့်ရည်၊ ငရုတ်သီးဆီချက်၊ ကြက်သွန်နီဆီချက်၊ ငရုတ်သီးအကြမ်းမှုန့်၊ ငါးငံပြာရည်၊ သကြားတို့ကိုထည့်ရျ် သမအောင်နယ်ပြီး သုံးဆောင်နိုင်ပါပြီရှင်။