ကြက်ဥ ချဉ်ပေါင်ချဉ်စပ်

ကြက်ဥ ချဉ်ပေါင်စပ်ချဉ်လေးအတွက် ကြက်ဥလေးတွေကို အရင်ပြုတ်ပြီး ဓားရာလေးတွေ ပေးထားပါနော်။

အရင်ဆုံး ကြက်သွန်ဖြူ၊ နီ၊ ငါးပိလေးနည်းနည်၊ ငရုတ်ခွဲကြမ်းမှုန့်နဲ့ ငရုတ်သီးစိမ်းလေးနည်းနည်းကို ရောပြီး မညက်တညက်လေးထောင်းထားပါ။

ပြီးရင် ချဉ်ပေါင်ရွက်ရယ် စောစောက ထောင်းထားတာတွေရယ် ၊ ပြုတ်ထားတဲ့ ကြက်ဥတွေကိုပါ အိုးတစ်အိုးမှာထည့်သမအောင် နယ်ပေးပါ။

နယ်ပြီးရင် ဆီနည်းနည်းထည့်ပြီး ချဉ်ပေါင်ရွက်နွမ်းသွားအောင် အပူပေးပါ။

နွမ်းသွားရင် ကြက်ဥ မြုတ်ရုံလောက် ရေထည့်ပြီး အဖုံးအုပ်ထားပေးပါ။

အပေ့ါအငန်လေးလည်း ကိုယ်လိုသလိုလေးထည့်ရင်း အိုးမကပ်အောင်လည်း ဂရုစိုက်ပေးနော်။

အပေ့ါအငန်လည်းအနေတော် ဟင်းရည်လေးလည်း ပွက်လာပြီဆိုရင်တော့ .. ချဉ်ချဉ်စပ်စပ် စားလို့ကောင်းတဲ့ ကြက်ဥချဉ်ပေါင်ချက်လေး ရပြီပေါ့နော်