ကြက်သား ခနုံထုပ်

ကြက်သား ခနုံထုပ် ( ၁၅ ခု - ၂၀ ခု စာ)

ခနုံထုပ် လုပ်နည်းမေးထားတဲ့ သူများအတွက် ခနုံထုပ်လုပ်နည်းပါ။
မန္တလေးမြို့ရဲ့အစားအစာတခုဖြစ်တဲ့ ကြက်သားခနုံထုပ်ကို စားဖူးတဲ့သူတိုင်း အရမ်းကြိုက်ကြပါတယ်။ အပြင်ဘက်က ကြက်ဥနဲ့လုပ်ထားတဲ့အဖတ်နဲ့အတွင်းထဲက ကြက်သားနဲ့ကြက်သွန်နဲ့ကြော်ထားတာကို အစာသွပ်ထားတာပါ။ ဈေးချိုတို့အခြားဈေးတွေရဲ့အသည်တွေမှာ တော်တော်များများ ဝယ်စားလို့ရပါတယ်။ အပြင်ဘက်က အဖက်ရွက်က တချို့က ကြက်ဥတမျိုးထဲနဲ့လုပ်ကြပါတယ်။ တချို့ကတော့ ဂျုံနည်းနည်းထည့်ပါတယ်။ ဂျုံထည့်တဲ့အဖတ်က ပိုနူးညံ့ပြီးစားလို့ပိုကောင်းပါတယ်။ အရမ်းစားလို့ကောင်းလို့လုပ်စားကြည့်ကြနော်။

ပါဝင်သောပစ္စည်းများ
၁။ အသားချည်း ကြက်သား - ၂၅ ကျပ်သား
၂။ ကြက်သွန်နီ
၃။ ကြက်သွန်ဖြူ - ၅ မွှာ
၄။ ကြက်ဥ - ၆ လုံး
၅။ ရေ - ၁ ခွက်ခွဲ
၆။ ဂျုံမှုန့်- ထမင်းစားဇွန်း ၁၀ ဇွန်း
၇။ ဆီ - လက်ဖက်ရည်ဇွန်း ၁ ဇွန်း ခွဲ
၈။ ဆား - လက်ဖက်ရည်ဇွန်း တ ဝက်
၉။ ကြက်သားကြော်ရန် ဆီ - ထမင်းစားဇွန်း ၄ ဇွန်း
၁၀။ ဆနွင်း - လက်ဖက်ရည် ဇွန်း - တ ဝက်
၁၁။ အရောင်တင်မှုန့်- လက်ဖက်ရည်ဇွန်း - တဝက်
၁၂။ ငံပြာရည် - ထမင်းစားဇွန်း ၁ ဇွန်း ခွဲ (သို့) ၂ ဇွန်း
၁၃။ အချိုမှုန့် (သို့) သကြား - လက်ဖက်ရည်ဇွန်း ၁ ဇွန်း

( ၁ ခွက် = 240ml = ရိုးရိုးကော်ဖီခွက် ၁ ခွက် = ထမင်းစားဇွန်း ၁၆ ဇွန်း)
( ထမင်းစားဇွန်း = 1 tablespoon = 15 ml)
(လက်ဖက်ရည်ဇွန်း = 1 teaspoon = 5 ml)

ပြုလုပ်နည်း
၁။ ကြက်သားကို ဆား ၊အချိုမှုန့်အနည်းငယ်ထည့်ရျ် ရေအနည်းငယ်နှင့် ရေခမ်းပြုတ်ပါ။
၂။ ပြုတ်ပြီးသား ကြက်သားကို အသားအမျှင်လေးများဖြစ်အောင် မွှာပါ။
၃။ ကြက်သွန်နီ ရဲ့ပမာဏက မွှာထားသော ကြက်သား ရဲ့ပမာဏနဲ့တူတူထည့်ပါမည်။ ကြက်သွန်နီကို ပါးပါးလှီးပါ။ ကြက်သွန်ဖြူကို တောက်တောက်ဆင်းထားပါ။
၄။ ဒယ်အိုးထဲတွင် ဆီ ထမင်းစားဇါန်း ၄ ဇွန်းကိုထည့်ရျ် အပူပေးပါ။ ပူလာလျှင် ကြက်သွန်နီကိုထည့်ရျ် ဆီသတ်ပါ။ ကြက်သွန်နီ နွမ်းလာလျှင် ကြက်သွန်ဖြူကို ထည့်ရျ် ဆီသတ်ပါ။ ဆနွင်းနှင့် အရောင်တင်မှုန့်ကို ထည့်ပါ။ နောက်ဆုံးမှ ကြက်သားကို ထည့်၊ ငံပြာရည်၊ အချိုမှုန့်တို့ကိုထည့်ပါ။ အားလုံးနှံ့ရင် မီးဖိုပေါ်မှချပါ။ အတွင်းထဲထည့်မည့်အစာပလာ၇ပါပြီ။
၅။ အပြင်ကြက်ဥ အဖတ် လုပ်ရန် အတွက် - ကြက်ဥ ၆လုံး - ရေ ၁ ခွက်ခွဲ - ဂျုံမှုန့်- ထမင်းစားဇွန်း ၁၀ ဇွန်း - ဆီ လက်ဖက်ရည်ဇွန်း ၁ ဇွန်း ခွဲ - ဆား လက်ဖက်ရည်ဇွန်း တ ဝက် တို့ကို ဇလုံတခုထဲထည့်ရျ် ဂျုံမှုန့်များ အရည်ပျော်သည်အထိခလောက်ပါ။
၆။ မကပ်တဲ့ ဒယ်အိုးအပြား ကို ဆီ အနည်းငယ် စွတ်ရျ် အပြားပါးပါးလေးတွေ ၇အောင် အချပ်လိုက်ကလေးတွေလုပ်ပါ။ လုပ်နည်းက ဒယ်အိုး အရမ်းပူလာလျှင် မုန့်အနှစ်ကို ဒယ်အိုးအလည်ကနေထည့်ရျ် ဒယ်အိုးကို စက်ဝိုင်းပုံ လှုပ်ပေးပါ။ မုန့်အနှစ်ရည်များ ဒယ်အိုးအနှံ့ပြန့်သွားပြီး ပါးပါးလေးဖြစ်နေပါလိမ့်မည်။
၇။ ခနုံ ထုပ်လုပ်ရန်အတွက် အပြင်ကြက်ဥဖတ်ကို အရင်ခင်း ပြီးလျှင် ကြက်သားကြက်သွန် အစာပလာကိုထည့်ပြီးလိပ်ပါ။
၈။ အချဉ် အတွက်က ငရုတ်ဆော့ နှင့် အချိုဆော့ ကိုစတူရောပြီး ရေအနည်းငယ်ထည့်ပါ။ သုံးဆောင်နိုင်ပါပြီ။
#credit