ကြက်သားနှင့်ကုဆိုင်ရွက်အိုးကင်ပူတိုက်နည်း

ကြက်သားအရိုးထုတ်............၂၀ကျပ်သား

ကုဆိုင်ရွက်..........................၁စည်း

ကြက်သွန်နီ..........................၁လုံး

ကြက်သွန်ဖြူ......................... ၃တက်

ချင်းသေးသေး.......................၁တက်

ကြက်ဥ...............................၁လုံး

ပြောင်းမှုန့်............................၃ဇွန်း

အရိုးထုတ်ကြက်သားကိုညှက်နေအောင် နုပ်နုပ်စဉ်း(သို့)စက်ဖြင့်ကြိတ်ပါ။

ကြက်သွန်ဖြူ ၊ ချင်းတို့ကိုညှက်နေအောင် ထောင်းပါ။

ကြက်သွန်နီကိုခပ်နုပ်နုပ်စဉ်းပြီး၊ကုဆိုင်ရွက် တွေကိုပါးပါးလှီးပါ။

ဇလုံတစ်ခုအတွင်းမှာကြိတ်ထားသောကြက်သားကိုထည့်ပြီးကြက်ဥတစ်လုံးဖောက်ထည့်ပါ။

ထောင်းထားသောချင်း+ကြက်သွန်ဖြူ အရည်ကိုညှစ်ထည့်ပါ။နုပ်နုပ်စဉ်းထားသော ကြက်သွန်နီထည့်ပါ။

ဆား၊ ကြက်သားမှုန့်၊ သကြား၊ ငရုတ်ကောင်း မှုန့်တွေနှင့်အရသာဖြည့်စွက်ပါ။

နှမ်းဆီလေးမျက်ရည်ပေါက်လောက်နှင့်ဟင်းချက်ဝိုင်အနည်းငယ်ထည့်ပြီးစတင်နယ်ပါ။

နယ်နေရင်းကုဆိုင်ရွက်လေးတွေနှင့်ပြောင်းမှုန့်ကိုအနည်းငယ်ချင်းစီထည့်ပါ။

(ကုဆိုင်ရွက်လေးတွေတအားမနွမ်းသွားစေရန်နှင့်စေးထန်းမှုချိန်ဆနိူင်ရန်အတွက်)

မကပ်သောအိုးကိုမီးရှိန်အေးအေးနှင့်အပူပေးထားပြီးဆီအနည်းငယ်လေးပွတ်ပေးပါ။

နယ်ထားသောကြက်သားကိုအိုးထဲထည့်ပြီး ဖြန့်ပေးပါ။အဖုံးအုပ်ထားပါ။

ဟိုဖက်၊ဒီဖက်ရွှေညိုရောင်လေးသန်းသည်အထိအိုးကင်ပူတိုက်ပေးပါ။

အသားကျက်၊မကျက်သိစေရန်ဓားဦးချွန်လေးဖြင့်ထိုးကြည့်ပါကအသားကျက်ပါပြီ။

စဉ်းနီတုံးပေါ်တင်ပြီးမိမိနှစ်သက်တဲ့ပုံစံလေးဖော်ပြီးအတုံးငယ်လေးများလှီးပါ။

အစာပြေအဖြစ်ရေနွေးကြမ်းနဲ့မြည်းမလား၊ ဘီယာလေးနဲ့မြည်းမလားအဆင်ပြေလှပါ ကြောင်း။

Photo Credit..Theint Myat Chae