ကျေးလက်ဆန်ဆန် တမာဖူးသုပ်

ကျေးလက်ဆန်ဆန် တမာဖူးသုပ်...

တမာရွက်..................၃စည်း

ကြက်သွန်နီ................၁လုံး

ခရမ်းချဉ်သီး..............၁လုံး

ကြက်သွန်ဖြူ..............၃တက်

ငရုတ်သီးစိမ်း.. ...........၅တောင့်

နံနံပင်.......................အနည်းငယ်

ပုစွန်ခြောက်မှုန့်...........၁ဇွန်း

မြေပဲထောင်း..............၁ဇွန်း

တမာရွက်သုပ်မယ်ဆိုရင်ဈေးတွေထဲကအချဉ်သပ်ပြီးသားတမာကိုရွေးပြီးဝယ်ရပါမယ်။အခုလိုအချိန်မှာတမာဖူး၊တမာညွှန့်တွေလှိုင်လှိုင်ပေါနေပါပြီ။

တမာချဉ်လေးတွေကိုရေစင်အောင်အထပ်ထပ်ဆေးပါ။

နုတဲ့အညွှန့်အဖူးလေးတွေကိုရွေးချယ်သန့်စင်ယူပြီးရေစစ်ထားကာခပ်နုပ်နုပ်လေးလှီးထားပါ။

ကြက်သွန်နီ၊ကြက်သွန်ဖြူ ၊ ခရမ်းချဉ်သီး၊ငရုတ်သီးစိမ်း၊နံနံပင်တွေကိုပါးပါးလှီးပါ။

ဇလုံတစ်ခုအတွင်းမှာပါဝင်ပစ္စည်းအားလုံးကိုရောထည့်ပါ။

မြေပဲထောင်း၊ပုစွန်ခြောက်မှုန့်၊ဆား၊ဟင်းခတ်မှုုန့်၊သံပုရာရည်ညှစ်ပြီးခပ်ဖွဖွလေးနယ်ပါ။

တမာရွက်ရဲ့ခါးသက်တဲ့အရသာကိုမပျက်စေပဲချို၊ချဉ်၊စိမ့်တဲ့အရသာအသစ်လေးကိုမြည်းစမ်းကြည့်ပါခင်ဗျာ။

ကျွန်တော့်ဖေဖေအကြိုက်ဆုံးဟင်းပွဲတစ်ခုဆိုရင်လည်းမမှားပါဘူး။တမာရွက်၊တမာဖူးတွေပေါ်ရင်ဖေဖေ့အတွက်စီစဉ်ပေးနေကျဟင်းပွဲလေးပါ။

#Creditphoto&pose

Credit: Facebook Share

Ingredients