ဝက်နံရိုးအချိုပေါင်း

နံရိုးညှပ်သား......၃၀ကျပ်သား

ချင်း....................၂တက်

ကြက်သွန်ဖြူ.......၅တက်

နာနတ်ပွင့်.........၂ပွင့်

ငရုတ်ကောင်းစေ့..၁၀စေ့ခန့်

နံနံပင်အမြစ်......အနည်းငယ်

ဟင်းချက်ဝိုင်......၂ဇွန်း

သကြား............၃ ဇွန်း

ဟင်းခတ်မှုန့်.....အနည်းငယ်

ဆား................

နံရိုးညှပ်သားတွေကိုမိမိနှစ်သက်တဲ့အရွယ်တုံးပြီးရေစစ်ထားပါ။

နာနတ်ပွင့် ကိုမီးကင်ပြီးဓားပြားရိုက်ထားပါ။

ချင်းတစ်တက်ကိုညှက်နေအောင်ထောင်းပြီး

ဝက်နံရိုးထဲညှစ်ထည့်ပြီးသကြား၁ဇွန်း၊ဆား၊ဟင်းခတ်မှုန့်၊ဟင်းချက်ဝိုင်တို့နှင့်နယ်ပြီး(၁၅)မိနစ်ခန့်နှပ်ထားပါ။

ထိုစဉ်အတွင်း..နောက်ထပ်ချင်း၁တက်၊ကြက်သွန်ဖြူ ၊နံနံပင်အမြစ်၊ငရုတ်ကောင်းစေ့တို့ကို မညှက်တညှက်ထောင်းပါ။

အသားနယ်ထားချိန်ပြည့်ပြီဆိုပါကဒယ်အိုးတစ်လုံးမှာဆီအနည်းငယ်နှင့်အတူသကြားကိုအပူပေးပါ။

မကြာခင်သကြားကပျော်ပြီးအညိုရောင်ပြောင်းသွားပြီဆိုရင်မီးကင်ထားတဲ့နာနတ်ပွင့်ထည်ပြီး့ထောင်းထားသောအရောကိုဆီသတ်ပါ။

အနည်းငယ်မွှေးလာလျှင်..နယ်ပြီးနှပ်ထားတဲ့ဝက်နံရိုးတွေထည့်ပေါင်းပြီးမွှေပါ။

ဝက်နံရိုးတွေဆီသတ်တာအရောင်ရပြီဆိုရင်ရေအနည်းငယ်ထည့်ပြီးတစ်ပွက်ဆူအောင်တည်ပါ။

ဝက်နံရိုးတွေကိုဖယ်ထုတ်ပြီး..ဟင်းခတ်အမွှေးအကြိုင်တွေကိုစစ်ထုတ်ဖယ်ပစ်ပါ။

နောက်ထပ်အိုးတစ်လုံးမှာပြောင်းထည့်ပြီးအဖုံးပိတ်ကာမီးအေးအေးမှာနှုးသည်အထိပေါင်းပေးပါ (သို့) Pressure အိုးထဲပြောင်းထည့်ပြီးနှုးသည်အထိပေါင်းပါ။