ငါးသလဲထိုးအိုးကပ်

ငါးသလဲထိုး...............၁၅ကျပ်သား

ကြက်သွန်နီ...............၁လုံး

ကြက်သွန်ဖြူ............... ၅တက်

ခရမ်းချဉ်သီး............... ၃လုံး

ငရုတ်ခြောက်...............၃တောင့်

ငရုတ်သီးစိမ်း............... ၅တောင့်

နံနံပင်(သို့)ရှမ်းနံနံ..........အနည်းငယ်

ငါးသလဲထိုးကိုရေစင်အောင်ဆေးပါ။ အညှီနံပျောက်စေဖို့ဆိုရင်နောက်ဆုံးအကြိမ်မှာဗီနီဂါရည်လေးအနည်းငယ်ထည့်ပြီးဆေးပေးပါ။

ရေစစ်သွားပြီဆိုရင်အရသာလေးအနည်းငယ်ထည့်နယ်ထားပေးပါ။

ကြက်သွန်နီ၊ ကြက်သွန်ဖြူ နှင့် ငရုတ်ခြောက်တို့ကိုညှက်နေအောင်ထောင်းပါ။

ခရမ်းချဉ်သီး ၊ငရုတ်သီးစိမ်းတို့ကိုပါးပါးလှီးပါ။

ဒယ်အိုးတစ်လုံးမှာဆီအနည်းငယ်ကိုထည့်ပါ။ထောင်းထားသောအရောကိုဖြန့်ထည့်ပါ။

နနွင်းမှုန့်၊ အရောင်တင်မှုန့်၊ဆား၊ဟင်းခတ်မှုန့်တို့ဖြင့်အရသာဖြည့်ပါ။

ပါးပါးလှီးထားတဲ့ခရမ်းချဉ်သီး၊ငရုတ်သီးစိမ်းတွေအုပ်ပြီးမီးအေးအေးမှာရေခမ်းပြီးဆီပြန်သည်အထိချက်ပါ။

ဆီပြန်လာပြီဆိုမှာအရသာနယ်ထားတဲ့ငါးသလဲထိုးတွေထည့်ပါ။ဖြည်းညင်းစွာသမသွားအောင်မွှေပေးပါ။

အဖုံးပိတ်ပြီးရေခမ်း၊ဆီပြန်၊အိုးကပ်သည်အထိချက်ပါ။

နံနံပင်(သို့)ရှမ်းနံနံလေးအုပ်ပေးပါ။

Credit: ဟင်းချက်နည်းများ

Credit : Facebook Shares

Ingredients