ငါးတံခွန်မန်ကျည်းနှစ်အစပ်ကြော်

(1) ငါးတံခွန်ငါးခြောက်ကိုရေဆေးပြီး ရေစစ်ထားပါ။ ( ယင်မနားစေရန် ပိုးသတ်ဆေးများသုံးတတ်၍ရေဆေးခိုင်းခြင်းဖြစ် )

( မိသားစု Online Cooking Foodstuff မှဖော်ပြပေးခြင်းဖြစ်ပါသည်။ )

(2) မန်ကျည်းသီးရေနည်းနည်းဖြင့်ခပ်ပျစ်ပျစ်ရေဖျော်ထားပေးပါ။

(3) ပါးပါးလှီးထားသောကြက်သွန်ကို ဆနွင်းအနည်းငယ်ထည့်ထားသော ဆီပူပူမှာ ရဲရုံသာကြော်ပြီးဆယ်ကာဆီစစ်ထားပေးပါ။

(4) ပါးပါးလှီးထားသောကြက်သွန်ဖြူကိုလည်းအပေါ်မှနည်းအတိုင်းဆီစစ်ယူထားပေးပါ။

(5) နောက်ဆုံးမှ ငါးတံခွန်ငါးခြောက်ကိုကြွပ်နေအောင်ကြော်ပြီးဆီစစ်ထားပေးပါ။

(6) ဆီဆူဆူမှာ ငရုတ်အကြမ်းဖက်မှုန့်ထည့်မွှေပြီး ချက်ချင်းပင် သုံးမျိုးလုံးကိုရောပြီး မီးအေးအေးဖြင့်မွှေပေးပါ။

သကြားအနည်းငယ် ဆားအနည်းငယ် အချိုမှုန့်အနည်းငယ်ထည့်ပြီး နှံစပ်အောင်မွှေနေပေးပါ။

နောက်ဆုံးမှာမှ ဖျော်ထားသောမန်ကျည်းရည်ခပ်ပျစ်ပျစ်ကို အပေါ်မှဆမ်းကာ မီးအရှိန်အေးအေးဖြင့် ၅မိနစ်ခန့် မွှေပေးပါ။

ဒါဆိုရင် ငါးတံခွန်ငါးခြောက်မန်ကျည်းအနှစ်ကြော် ဟင်းတခွက်ရပါပြီ။

( မိသားစု Online Cooking Foodstuff မှဖော်ပြပေးခြင်းဖြစ်ပါသည်။ )Credit : (Facebook Share)