ဝက်သနီချက်

ဝက်သားကို ရေဆေးပြီး အတုံးလေးတွေတုံးပါ။

ပြီးလျှင် ဆား၊သကြား၊ငံပြာရည်၊ပဲငံပြာရည်၊ငရုတ်ဆီ အနည်းငယ်စီ တို့ဖြင့် ရောနယ်ကာနာရီဝက်ခန့်နှပ်ထားပါ။

ထိုနောက်ညက်အောင်ထောင်းထားသော ကြက်သွန်ဖြူ၊ ကြက်သွန် နီ၊ဂျင်းနှင့် ငရုတ်တို့ကို အိုးထဲသို့ ဆီသင့်ရုံထည့်ကာ ဆီသတ်ပါ။

ဝက်သနီချက်ဟင်းတွင် နနွင်းမထည့်ရပါ။

ကြက်သွန်ကြော်နံ့ မွှေးပြီးရွှေရောင်သန်းလာပါက ငရုတ်သီးအရောင်တင်မှုန့် အနည်းငယ်ထည့်ပြီး လုံးထားသော ဝက်သားများကိုထည့်ကာ ဆီပြန်လာသည်အထိ မပြတ်မွှေပေးပါ။

ပွက်ပွက်ဆူလာပြီး ဆီပြန်လာလျှင် ရေမြုပ်အောင်ထည့်၍ တည်ထားပါ။

မကြာခဏ အဖုံးဖွင့်၍ မွှေမွှေပေးပါ။ရေများ ပွက်ပွက်ဆူလာလျှင် အသားနူးမနူးမြည်းကြည့်ပြီး မနူးသေးပါက ရေအနည်းငယ် ထည့် ပြီးထပ်တည်ထားပါ။

အသားများနူးပြီး ဆီပြန်လာလျှင် အပေါ့အငံမြည်းကြည့်ပြီး ရှမ်းနံနံအုပ်ကာ အရသာကောင်းမွန်သော ဝက်သနီချက်ဟင်းလေး သုံးဆောင်လို့ ရပါပြီရှင်။

(ကြက်သားမှုန့်၊အရသာမှုန့်၊ဟင်းချိုမှုန့် ကြိုက်နှစ်သက်ရာနှင့် ထည့်ချက်ချင်လျှင် ထည့်ချက်လို့ရပါတယ်)

Credit : ဒေါ်ပုလက်ရာ (Facebook Share)