ပွင့်ညွှန့်ကြော်

ပွင့်ညွှန့်ကြော်
(Pumpkin and gourd flowers with Shoots Stir-Fried)
...........................................................................
ရာသီပေါ် အပွင့်အညွှန့်လေးတွေကို လတ်လတ်ဆတ်ဆတ် ကြော်စားလို့ရအောင် မျှဝေပေးလိုက်ပါတယ်။

ပါဝင်ပစ္စည်းများ
.......................
• ဖရုံပွင့် - ၁ စည်း (အပွင့်ထဲမှအဆံများထုတ်ထားပါ)
• ဖရုံညွန့် - ၁ စည်း
(အရိုးအရင့်များဖယ်ပြီး လက်၂ ဆစ်အရှည်လေးတွေဖြတ်ထားပါ)
• ဘူးပွင့် - ၁ စည်း ( အပွင့်ထဲမှ အဆံများထုတ်ထားပါ)
• ဘူးညွှန့် - ၁ စည်း
(အရိုးအရင့်များဖယ်ပြီး လက်၂ ဆစ်အရှည်လေးတွေဖြတ်ထားပါ)
• ငါးခြောက်မှုန့် - လက်ဖက်ရည်ဇွန်း ၂ ဇွန်း ခွဲ
• ဆား - အနည်းငယ်
• ကြက်သွန်ဖြူ - ၃ မြွှာ (ဓားပြားရိုက်ထားပါ)
• နနွင်းမှုန့် - အနည်းငယ်
• ကြက်သွန်နီကြော် - စားပွဲဇွန်း ၁ ဇွန်းခွဲ( အရွက်ကြော်ပေါ်မှဖြူးရန်)
• ကြက်သွန်ဖြူကြော် - လက်ဖက်ရည်ဇွန်း ၁ ဇွန်း ခွဲ(အရွက်ကြော်ပေါ်မှဖြူးရန်)
• ပဲဆီ - စားပွဲဇွန်း ၁ ဇွန်း

ပြုလုပ်နည်း
...................
၁။ ဒယ်အိုးထဲ ဆီထည့်ပြီးအပူပေးပါ။ နနွင်းမှုန့်နှင့် ကြက်သွန်ဖြူထည့်ပြီး ရွှေရောင်သမ်းပြီး အနံ့မွှေးလာသည်အထိ ကြော်ပါ။
၂။ ငါးခြောက်မှုန့်ထည့်ပြီး အနည်းငယ် ြ<ွကပ်လာသည်အထိကြော်ပါ။
၃။ အညွန့်များ အရင်ထည့်ကြော်ပါ။ ခပ်ဖွဖွလေးမွှေပါ။ အညွန့်များ အနည်းငယ်နွမ်းလာလျှင် အပွင့်များထပ်ထည့်ပါ။ အိုးကိုလှုပ်ပြီး ဒီအတိုင်းမွှေပေးပါ။ ၁-၂ မိနစ်လောက်ကြော်ပါ။
ခြောက်ကပ်နေလျှင် ရေအနည်းငယ်တောက်ပေးပါ။ ကျန်ပစ္စည်းများ ထပ်ထည့်ပါ။ ဆားမြည်းပါ လိုတာထပ်ထည့်နိုင်ပါတယ်။ ပူပူလေးသုံးဆောင်လျှင် ပိုကောင်းပါတယ်။
..............................

Crd.စည်လွင်