ပြောင်းဖူးသုပ်

ပြောင်းဖူးသုပ်
ထမင်းနဲ့ တွဲစားဖို့ဖြစ်စေ၊ အဆာပြေ မုန့်တစ်မျိုးအနေနဲ့ စားဖို့အတွက်ပါ အဆင်ပြေတဲ့ ပြောင်းဖူးပြုတ်ကို သုပ်စားကြရအောင်နော်။

ပါဝင်ပစ္စည်း
ပြောင်းဖူးပြုတ် ၂ ဖူး
ကြက်သွန်နီ ၂ လုံး
ချယ်ရီခရမ်းချဉ်သီး ၆ လုံး
မုန်လာဥနီ ၁ လုံး (လက်တစ်ဆုပ်ခန့်)
ငရုတ်သီးစိမ်း ၇ တောင့်
သံပုရာသီး ၁ လုံး
မြေပဲလှော် စားပွဲဇွန်း ၂ ဇွန်း
ပဲဆီ စားပွဲဇွန်း ၄ ဇွန်း
ဆား
အသားမှုန့်

ပြုလုပ်နည်း
၁။ ပြောင်းဖူးပြုတ်ကို အစေ့လိုက်ခြွေပါ။ ကြက်သွန်နီကို ပါးပါးလှီးပြီး ရေဆေးကာ ရေစစ်ထားလိုက်ပါ။ ချယ်ရီခရမ်းချဉ်သီးလေးတွေကို ၄ ပိုင်းလှီးပါ၊
၂။ မုန်လာဥနီကို အခွံခွာ ရေဆေးပြီး သေးသေးနုပ်နုပ်လေးများ ပြုလုပ်ထားပါ။ ငရုတ်သီးစိမ်းကိုလည်း ရေဆေးပြီး ပါးပါးလှီးပါ။ မြေပဲလှော်က အခွံများကို ဖယ်ထားပါ။
၃။ ပြောင်းဖူးသုပ်ဖို့ အားလုံးအသင့်ဖြစ်ပြီမို့ ပြင်ဆင်ထားသည်များကို ဇလုံကြီးကြီးတစ်လုံးထဲမှာ ပေါင်းထည့်ပြီး ဆီ၊ ဆား၊ အသားမှုန့်နဲ့ သံပုရာရည်ပါညှစ်ထည့်ပြီး အားလုံးကို နှံ့အောင်ရောနယ်လိုက်ပါ။ အရသာအနေတော်ရင် ပြောင်းဖူးသုပ်ရပါပြီ။
စားလို့လည်းကောင်း၊ ပြင်ဆင်ရတာလည်း လွယ်ကူတဲ့ ပြောင်းဖူးသုပ်လေးကို နှစ်သက်ကြမှာပါနော်။