ရွှေကြည်ပန်ကိတ်

ရွှေကြည်ပန်ကိတ် (semolina pancake)

ရွှေကြည်၊ အုန်းနို့လေးနဲ့လုပ်ထားတဲ့ ပန်ကိတ်လေးပါ။ အရသာကတော့ ရွှေကြည်ဆနွင်းမကင်း နဲ့အရသာတော်တော်လေးတူပြီး ဒယ်အိုးပေါ်မှာပြုလုပ်ရုံနဲ့စားလို့ရတဲ့နည်းလေးမို့လို့လုပ်စားကြည့်ကြနော်။

ပါဝင်သောပစ္စည်းများ
၁။ ရွှေကြည် (semolina) - ၁ ခွက်
၂။ အုန်းနို့(coconut milk) - ၁ ခွက်
၃။ သကြား (sugar) - ထမင်းစားဇွန်း ၄ ဇွန်း
၄။ baking powder - လက်ဖက်ရည်ဇွန်း ၁ ဇွန်း
၅။ baking soda - လက်ဖက်ရည်ဇွန်း တဝက်
၆။ ရှာလကာရည် (vinegar)- ထမင်းစားဇွန်း ၂ ဇွန်း
၇။ ဆား (salt) - လက်ဖက်ရည်ဇွန်း လေးပုံတပုံ
၈။ ကြက်ဥ - ၁ လုံး
၉။ ထောပတ်ရည် (melted butter) - ထမင်းစားဇွန်း ၂ ဇွန်း
( ၁ ခွက် = 240ml = ရိုးရိုးကော်ဖီခွက် ၁ ခွက် = ထမင်းစားဇွန်း ၁၆ ဇွန်း)
(ထမင်းစားဇွန်း = 1 tablespoon = 15 ml ၊ လက်ဖက်ရည်ဇွန်း = 1 teaspoon = 5 ml )

ပြုလုပ်နည်း
၁။ ဇလုံတခုထဲကို ပါဝင်သောပစ္စည်းများကို အကုန်ထည့်ရျ် အလုံးအခဲများမကျန်ခဲ့ပဲ သမသွားအောင်ပြုလုပ်ပါ။ ထို့နောက်ရွှေကြည်ပွလာအောင် ၁ နာရီလောပ်နှပ်ထားပါ။
၂။ မကပ်သောအိုးကို medium heat ဖြင့် အပူပေးရျ် မုန့်နှစ်ကို ယောက်ချိုဇွန်းတဇွန်းစာခပ်ရျ်ထည့်ပါ။ ဆီ (သို့) ထောပတ်ထည့်စရာမလိုပါ။
၃။ ပန်ကိတ်ရဲ့မျက်နှာပြင် အပေါက်လေးများဖြစ်လာပြီး အောက်ဖက်မျက်နှာပြင် ညိုလာလျှင် နောက်တဖက်ကိုလှန်ပါ။ နောက်တဖက်ပါ ညိုလာလျှင် မီးဖိုပေါ်မှချရျ် သုံးဆောင်နိုင်ပါပြီရှင်။