ကောက်ညင်းကန်ဇွန်းဥဆနွင်းမကင်း

ကောက်ညင်းကန်ဇွန်းဥဆနွင်းမကင်း ♡
ကောက်ညင်းဆနွင်းမကင်းစိန်ဖေကြီးလုပ်နည်းကတင်ထားပြီးသားပါ။ကန်ဇွန်းဥအရောင်လေးလှလို့အောက်ခံအဖြစ်ထည့်ထားတာပါ။
ရိုးရိုးလေးနဲ့အရောင်လေးစပ်ပြီးလုပ်ထားတာမို့တမျိုးဆွဲဆောင်မှုရှိပါတယ်။လုပ်နည်းလေးကြည့်ရအောင်နော် ။
ကောက်ညင်းအလွှာအတွက် ပါဝင်သောပစ္စည်း
*************************
ကောက်ညင်း - ဆန်ချိန်ခွက်၃ခွက်
သကြား - ၁၅၀ ဂရမ်
အုန်းနို့ခရင်မ် - ၂၀၀ml
ဆား - လ္ဘက်ဇွန်းတဝက်
ဆီ - ၃ဇွန်း စားပွဲတင်
အောက်ခံကန်ဇွန်းဥအလွှာအတွက်ပါဝင်သောပစ္စည်း
*****************************
ကန်စွန်းဥ - ၅၀၀ ဂရမ်
သကြား - ၁၀၀ ဂရမ်
ထောပတ် - နှစ်ဇွန်း စားပွဲတင်ဇွန်း
ပြင်ဆင်ပြုလုပ်နည်း
**************
(၁)ကန်ဇွန်းဥကိုပြုတ်ပြီးအခွံသင်ကာကြေအောင်ချေပြီးသကြားနှင့်ထောပတ်ထည့်ကာသကြားပျော်အောင်မွေပေးပါ။
(၂)ပြီးလျှင်ပြုလုပ်မည့်ဘမ်းတွင်အောက်ခံငှက်ပျောဖတ်ကိုခင်းပြီးချေပြီးသားကန်ဇွန်းဥကိုထည့်ပြီးဖိ၍မျက်နှာပြင်ညီအောင်ပြုလုပ်ပြီးရေခဲသေတ္တာတွင်မာအောင်ထည့်ထားပါ။
(၃)ရေတညသို့လေးနာရီခန့်စိမ်ထားသောကောက်ညင်းကိုထမင်းပေါင်းအိုးတွင်ပါ။ရေနှင့်အုန်းနို့ရောပြီးဆန်နှင့်ရေမျက်နှာပြင်ညီထည့်ပါ။ဆားသကြားနှင့်ဆီထည့်ပြီးမွေပေးကျက်ပြီသားကောက်ညင်းကိုအထက်အောက်သေချာမွေပေးပါ။ ရေခမ်းပြီးခလုတ်ပြုတ်ပါက၁၅မိနစ်ခန့်အဖုံးမဖွင့်ဘဲထားပါ။
(၅)ကျက်ပြီသားကောက်ညင်းကိုအထက်အောက်သေချာမွေပေးပါ
(၆)အအေးခံထားသောကန်ဇွန်းဥမာခဲသွားပါကအပေါ်မှချက်ပြီးသားကောက်ညင်းကိုထည့်ပြီးဖိပေးပါ။မျက်နှာပြင်ချောမွေ့ပါကအအေးခံ ကာလိုသလိုလှီးဖြတ်ပြီးသုံးဆောင်နိုင်ပါပြီ။
**အပေါ်ယံမျက်နှာပြင်အရောင်ရအောင်ပြုလုပ်လိုပါကအုန်းနို့အနည်းငယ်လူးပြီးအပေါ်မီးသက်သက်ဖြင့်အရောင်ရအောင်ကင်ပေးနိုင်ပါတယ်။
မှတ်ချက် ။ ။
မည်သူမဆိုShareကိုနှိပ်လျက်ခွင့်မတောင်းဘဲလွတ်လပ်စွာမျှဝေနိုင်ပါတယ်။ သာမန်လုပ်ရိုးလုပ်စဉ်Shareခြင်းမှအပ မိမိPageများအတွက်အသုံးပြုရန်ကူးချခြင်းများပြုလုပ်လိုလျှင်ကြိုတင်ခွင့်တောင်းပါရန်အသိပေးအပ်ပါတယ်ရှင်။
........
Sofia

#credit