ကြက်တောင်ပံကင်

ကြက်တောင်ပံကင်

New Year ပါတီမှာ လုပ်စားဖို့ နောက် အကင်သစ် တမျိုးတင်ပေးလိုက်ပါတယ်။ အကင်ဆိုလျှင် ကြက်တစ်ကောင်လုံး၏ အကောင်းဆုံး အစိတ်အပိုင်းဖြစ်တဲ့ ကြက်တောင်ပံကင်ကို လူကြိုက်များကြပါတယ်။ ကြက်တောင်ပံကို ဝါးတံစို့ဖြင့် ကင်တာမို့ ကြက်တောင်ပံ မျက်နှာပြင်ပိုမို မီးနှင့်ထိတွေ့လျှင် ပိုပြီ စားလို့ကောင်းလေပါပဲ။ အရသာကလည်း ချဉ်ချိုလေးနဲ့ ထောပတ်အနံ့လေးပါ သင်းနေပါတယ်။ ပါတီပွဲတွေ လုပ်တော့မယ်ဆိုရင် ဒီကြက်တောင်ပံကင်လေးကို လုပ်စားကြည့်ဖို့ မမေ့ကြနဲ့နော်…

ပါဝင်ပစ္စည်းများ [Ingredients]

ကြက်တောင်ပံ [chicken wings] ♦ ၈ခု
ကြက်သွန်မြိတ် [spring onion] ♦ ၁စည်း (ပါးပါး လှီးထားပါ)

ဆော့ရည် ပါဝင်ပစ္စည်းများ

ထောပတ် [butter] ♦ စားပွဲတင်ဇွန်း ၈ဇွန်း
ကြက်သွန်ဖြူ [garlic] ♦ ၄မွှာ (နှုတ်နှုတ်စဉ်းထားပါ)
ဂျင်း [ginger] ♦ စားပွဲတင်ဇွန်း ၁ဇွန်း (ထောင်းထားပါ)
ထိုင်းငရုတ်သီးဆော့အစပ် [thai hot sauce] ♦ စားပွဲတင်ဇွန်း ၈ဇွန်း (သို့) ကြိုက်နှစ်သက်ရာ ဆော့အစပ်
သံပရာရည် [lime juice] ♦ စားပွဲတင်ဇွန်း ၃ဇွန်း
ငရုတ်ကောင်းမှုန့် [black pepper] ♦ လက်ဖက်ရည်ဇွန်း တဝက်
ဆား [salt] ♦ လက်ဖက်ရည်ဇွန်း ၁ဇွန်း

ကင်နည်း [Grill Recipes]

၁။ အရင်ဆုံး ကြက်တောင်ပံများကို ဝါးတံစို့များဖြင့် မျက်နှာတစ်ခုလုံးဆန့်ထုတ်အောင် ပုံတွင်ပါသည့်အတိုင်း သီထားလိုက်ပါ။

၂။ ပြီနောက် ဆော့ရည်စချက်ပါမည်။ ဒယ်ထဲ ထောပတ် (စားပွဲတင်ဇွန်း ၃ဇွန်း)ထည့်ပြီ ပျော်သွားလျှင် ကြက်သွန်ဖြူ၊ ဂျင်းများကို ထည့်ပြီ မွှေပေးပါ။

၃။ ပြီနောက် ကျန်ထောပတ်၊ ထိုင်းဆော့၊ သံပရာရည်၊ ဆား၊ ငရုတ်ကောင်းမှုန်ပတို့ကို ထည့်ပြီ ဆူလာလျှင် မီးပိတ်ထားလိုက်ပါ။

၄။ ဆော့ရည်ကို ခေတ္တမျှ အအေးခံပြီ အခန်းအပူချိန်တွင် ထားထားပေးပါ။

၅။ ပြီမှ ကြက်တောင်ပံပေါ်သို့ ဆော့ရည်များကို လောင်းချလိုက်ပါ။

၆။ ရေခဲသေတ္တာထဲတွင် ၁နာရီခန့်ကြာအောင် နှပ်ထားပေးပါ။

ရ။ ကင်မည်ဆိုလျှင် မီးကင်ပြားကို ဆီအရင်သုတ်ထားပေးပါ။ မီးသွေး (သို့) ဂက်(စ်) ကြိုက်ရာဖြင့် ကင်နိုင်ပါသည်။

၈။ မကင်ခင် ကြက်တောင်ပံနှင့် နှပ်ထားသော ဆော့ရည်များကို မီးဖြင့် အနည်းငယ် အပူပြန်ပေးပြီ ခွကတစ်ခုထဲတွင် ထည့်ထားပေးပါ။

၉။ မီးကင်ပြားပေါ်သို့ ကြက်တောင်ပံများကို တဖက်ကို ၈-၁၂မိနစ်ထိ မိနစ်၂၀ခန့် ကျက်သည်အထိ ကင်ပေးပါ။

၁၀။ ကြက်တောင်ပံကင်များကျက်ပြီ ဆိုမှ ခုနက ပြန်အပူပေးထားသော ဆော့ရည်များကို လောင်းချပြီ အပေါ်မှ ကြက်သွန်မြိတ်လေးများ ဖြူးပေးကာ သုံးဆောင်နိုင်ပါပြီ…