ပုစွန်ခြောက်ငံပြာရည်ချက်

ပုစွန်ခြောက်................၂ဇွန်း

ပုစွန်ငံပြာရည်..............၁/၂ခွက်

ကြက်သွန်နီ.................၂လုံး

ကြက်သွန်ဖြူ................၅တက်

ငရုတ်ခွဲကြမ်းမှုန့်.. ..........၁ဇွန်း

ငရုတ်လှော်မှုန့်...............အနည်းငယ်

ပုစွန်ခြောက်ကိုအမှုန့်ဖြစ်အောင်စက်နဲ့မကြိတ်ပဲညှက်နေအောင်ထောင်းပါ။

ကြက်သွန်နီ ၊ ဖြူ တို့ကိုနုပ်နုပ်စဉ်းပါ။

ငရုတ်ခြောက်တောင့်ကိုခွဲကြမ်းဖတ်ခပ်သေးသေးရအောင်ထောင်းပါ။

ဒယ်အိုးတစ်လုံးမှာ..ဆီအနည်းငယ်ကိုအပူပေးပြီးကြက်သွန်နီ ၊ ဖြူ ကို နနွင်းမှုန့်အနည်းငယ်နှင့်အတူဆီသတ်ပါ။

အနည်းငယ်နွမ်းပြီးမွှေးလာလျှင်ထောင်းထားသောပုစွန်ခြောက်ထည့်ကြော်ပါ။

ငရုတ်သီးခွဲကြမ်းမှုန့်ကိုဦးစွာထည့်ပြိးမွှေးအောင်ကြော်ပါ။

ငရုတ်သီးလှော်မှုန့်ထည့်ပေါင်းပါ။(ငရုတ်သီးထည့်ကြော်စဉ်အတွင်းအတတ်နိူင်ဆုံးမီးရှိန်ကိုလျှော့ထားပေးပါ)

ငရုတ်သီးမှုန့်တွေမွှေးလာပြီဆိုမှပုစွန်ငံပြာရည်လောင်းထည့်ပါ။ရေကိုလဲငံပြာရည်ဆတူနီးပါးထည့်ပေးပါ။

ဟင်းခတ်မှုန့်လေးဖြည့်စွက်ပြီးတာနဲ့တစ်ပွက်ဆူလျှင်မီးဖိုပေါ်မှချပြီးသုံးဆောင်ပါ။