ကကတစ်ငါးနှင့်ကြက်သားမာလာဟင်း

ကကတစ်ငါး.............(၁)ကောင်

ကြက်သား...............(၄၀)ကျပ်သားခန့်

ကြက်ရိုး..................အနည်းငယ်

မာလာဟင်းအနှစ်.......၁ထုပ်

မာလာခေါက်ဆွဲ.........၁၀ကျပ်သား

မာလာကော်ချောင်း.....၁၀ကျပ်သား

ကြက်သွန်ဖြူ.............၅တက်

ချင်းသေးသေး...........၁တက်

ဝှါးကျောင်းစေ့.. ........၁ဇွန်း(လက်ဖက်ရည်ဇွန်း)

ပဲငံပြာရည်အကြည်

ငါးငံပြာရည်

သကြား

ဟင်းခတ်မှုန့်

မိမိနှစ်သက်ရာအရွက်နှင့်မှို

ပထမဆုံးကြက်ရိုးကိုရေဆေးသန့်စင်ပြီးပြုတ်ရည်ကြည်ရအောင်ပြုတ်ထားပါ။

ငါး၊ကြက်သားတို့ကိုလည်းရေဆေးသန့်စင်ပြီးအနေတော်အတုံးများတုံးကာအရသာအနည်းငယ်နယ်ထားပါ။

မာလာခေါက်ဆွဲ၊မာလာကော်ချောင်းတွေကိုရေစိမ်ထားပါ။

မိမိနှစ်သက်တဲ့အရွက်နှင့်မှိုများကိုသန့်စင်ထားပါ။

ချင်း၊ကြက်သွန်ဖြူကိုခပ်ကြမ်းကြမ်းထောင်းပါ။

ဝှါးကျောင်းစေ့ ကိုအနည်းငယ်လှော်ပြီးမညှက်တညှက်ထောင်းထားပါ။

အိုးတစ်လုံးကိုဆီအနည်းငယ်ဖြင့်အပူပေးပြီးထောင်းထားသောကြက်သွန်ဖြူအရောကိုဆီသတ်ပါ။

အနည်းငယ်မွှေးလာလျှင်ထောင်းထားတဲ့ဝှါးကျောင်းစေ့ကိုထည့်ပေါင်းဆီသတ်ပြီးမာလာဟင်းအနှစ်ကိုရောမွှေပေးပါ။

မွှေးလာပြီဆိုရင်အရသာနယ်ထားတဲ့ကြက်သားတွေကိုထည့်ပြီးညင်သာစွာမွှေပေးပါ။

ကြက်သားအပေါ်ယံကြောတွေတင်းလာပြီဆိုရင်ကြက်ပြုတ်ရည်ထည့်ပေါင်းပေးပါ။

သကြား၊ဟင်းခတ်မှုန့်၊ငါးငံပြာရည်၊ပဲငံပြာရည်တို့ဖြင့်အရသာသွင်းပါ။

တစ်ပွက်ဆူလာပြီးကြက်သားတစ်ဝက်ကျက်လောက်အချိန်မှာမီးပြင်းကိုလျှော့ချကာအရသာနယ်ထားတဲ့ငါး တွေကိုထည့်ပေါင်းပါ။

အဖုံးပိတ်ပြီးငါးအသားနှုးညံ့သွားသည်အထိချက်ပေးပါ။မာလာခေါက်ဆွဲချောင်း၊မာလာကော်ချောင်းနှင့် အနည်းငယ်မာသောအသီးအရွက်များထည့်ပေါင်းပါ။

ငရုတ်ကောင်းမှုန့်လေးအနည်းငယ်ဖြူးလိုက်ရင်ရိုးရှင်းတဲ့မာလာငါးဟင်းလေးအဆင်သင့်ဖြစ်ပါပြီ။

အရွက်စိမ်းစိမ်းလေးများစားသုံးချင်တယ်ဆိုရင်တော့အသင့်ပြင်ထားတဲ့ယူနန်ဟော့ပေါ့အိုးထဲပြောင်းထည့်ပြီးမိမိနှစ်သက်ရာအရွက်(ကန်စွန်းရွက်၊ဂေါ်ရခါးညွှန့်၊မုန်ညှင်းစိမ်း၊ပဲရွက်၊တာအိုးရွက်(ဟချီပိုးရွက်)၊မုန်ညှင်းဖြူ)တွေကိုဟင်းရည်ဆူဆူမှာနှစ်ပြီးသုံးဆောင်နိူင်ပါတယ်။