ဖရုံသီးကြက်သားပေါင်းနည်း

ဖရုံသီးနုနုကို ထိပ်ဝဖောက်၍ အတွင်းသားများကို ဇွန်းဖြင့်ခြစ်ထုတ်လိုက်ပါ

ကြက်သားနုပ်နုပ်စဉ်း၍ ကြက်ဥဖောက်ထည့်ကာ ကုဆိုင်ရွက်ပါးပါးလှီးထည့် ၊ ကြက်သွန်ဖြူထောင်းထည့်
ငရုတ်ကောင်း ၊ အရသာမှုန့် ၊ ရှောင်းကောမှုန့်တို့ကို ထည့်ခလောက်ပြီး ဖရုံသီးထဲ လောင်းထည့်ပါ

(ကြက်သွန်နီထည့်လျှင် မလိုက်ဘက်ပါ)

ပြီးလျှင် ဖရုံသီးကို ပြန်ပိတ်ပါ

စောစောကခြစ်ထုတ်ထားသည့် ဖရုံသီးအတွင်းသားကို အိုးထဲပြန်ထည့်ပေးပါ...

ကြက်သွန်ဖြူ ၊ရှောင်းကောမှုန့် ဂျင်းအနည်းငယ် ၊ ဆီပါရုံထည့်ပြီး အရသာမှုန့်ထည့်

ရေထည့်ကာ အစာသွပ်ထားသည့်ဖရုံသီးကို အိုးထဲထည့်ပြီး ဖရုံသီးအတွင်းသားနူးထိပေါင်းပေးပါ

ဖရုံသီးလည်းကျက် ဟင်းချိုရည်လည်းရနိုင်ပါတယ်

ဟင်းချိုရည်ကို ငရုတ်ကောင်းလေးခပ်ပေးပါ

ဖရုံသီးပေါင်းကလည်း အတွင်းရော အပြင်ပါ အရသာ စိမ့်ဝင်သွားသည့် ပေါင်းနည်းဖြစ်ပါတယ်...