ပင်လယ်စာနှင့်ပဲကြာဇံသုပ်နည်း

ကင်းမွန်...............၁၀ကျပ်သား

ပုစွန်သေး..............၁၀ကျပ်သား

ငါး(သို့)ဂဏန်းသား..၁၀ကျပ်သား

ပဲကြာဇံ.................၅ကျပ်သား

ကြွက်နားရွက်မှို........၁ခု

ကြက်သွန်နီဥကြီး.....၁လုံး

ခရမ်းချဉ်သီး.............၂လုံး

ငရုတ်သီးစိမ်းနီ..........၁၀တောင့်

ကြက်သွန်ဖြူ.............. ၇တက်

တရုတ်နံနံ..................၁စည်း

နံနံပင်အမြှစ်..............၁၀မြှစ်

ငါး(သို့)ဂဏန်း၊ကင်းမွန်၊ ပုစွန်တို့ကိုသန့်စင်ပြီးအနေတော်လှီးဖြတ်ကာအအေးခံတွင်ခေတ္တထားပါ။

ပဲကြာဇံနှင့်ကြွက်နားရွက်မှိုကိုရေစိမ်ထားပါ။

ငရုတ်သီးစိမ်းနီ၊ ကြက်သွန်ဖြူ နှင့်နံနံပင်အမြှစ်တို့ကိုရောပြီးခပ်ကြမ်းကြမ်းထောင်းပါ။

အိုးငယ်တစ်ခုအတွင်းသံပုရာရည်(၂)ဇွန်း၊ဗီနီဂါ(၁)ဇွန်း၊ ကင်းမွန်ငံပြာရည်(၃)ဇွန်း၊သကြား(၁)ဇွန်းတို့ကိုအပူပေးပါ။

ဆူလာလျှင်ထောင်းထားသောငရုတ်သီးနီ၊ကြက်သွန်ဖြူ အရောကိုထည့်ပြီး(၅)မိနစ်ခန့်ကျိုကာအအေးခံထားပါ။

ရေစိမ်ထားသောပဲကြာဇံကိုရေစစ်ပြီးကြွက်နားရွက်မှိုကိုခပ်ပါးပါးလှီးကာရေနွေးဆူဆူထဲထည့်ပြုတ်ပြီးရေအေးလောင်း၊အအေးခံထားပါ။

ထိုရေထဲသို့ ပင်လယ်စာတွေကိုကျက်သည်ဆိုရုံလေးထည့်ပြုတ်ပါ။

ဇလုံတစ်ခုအတွင်းမှာပဲကြာဇံ၊ပင်လယ်စာတို့ကိုထည့်ပြီး ခပ်ကြမ်းကြမ်းလှီးထားသော ကြက်သွန်နီ၊ခရမ်းချဉ်သီး၊ တရုတ်နံနံတွေဖြည့်စွက်ကာ အအေးခံထားသော ဆော့စ်ရည် လောင်းချပြီးခပ်ဖွဖွနယ်ပေးပါ။

ချို ၊ ချဉ်၊ ငံ ၊စပ်အရသာအတွက်လိုအပ်သလိုထပ်ပြီးမွှမ်းမံပြင်ဆင်နိူင်ပါတယ်။