အိမ်ချက်ဒန်ပေါက်လုပ်နည်း

ဆန်...၃ဗူး

ထောပတ်..ထမင်းစားဇွန်း၂ဇွန်း

ဆား ထမင်းစားဇွန်းဝက်

သကြား..ထမင်းစားဇွန်းဝက်

သစ်ဂျပိုးခေါက်..၂ခေါက်

ကရဝေးရွက်..၂ရွက်

ဖာလာစေ့..၅စေ့

နာနတ်ပွင့်..၂ပွင့်

ဆီ....ထမင်းစားဇွန်း..၃ဇွန်း

ကြက်သား..၄၀သား

ဒိန်ချဉ်...ထမင်းစားဇွန်း၂ဇွန်း

ကြက်သွန်နီ..၄လုံး

ကြက်သွန်ဖြူ.. အမွှာကြီး၃မွှာ

ငရုပ်သီး အစိမ်းမှူန့်..လက်ဖက်ဇွန်း၂ဇွန်း

ဒန်ပေါက်မဆလာ..လက်ဖက်ဇွန်း..၁ဇွန်းခွဲ

ကြက်သွန်ကြော်..၅ကျပ်သား

သီဟိုစံ..ထမင်းစားဇွန်း၃ဇွန်း

စပျစ်ခြောက်...ထမင်းစားဇွန်း၂ဇွန်း

ပဲစိမ်း...၁ဗူး

လိမ္မော် ရောင် Food Colour အနည်းငယ်

ပြုလုပ်နည်းအဆင့်ဆင့်
=============

ပထမဦးစွာ ဒန်ပေါက်နှင့်စားဖို့အတွက် ကြက်သားဟင်းကိုအနှစ်များများနဲ့ချက်မယ်နော်

ကြက်သားကိုဆေးကြောသန့်စင်ပြီး ဒိန်ချဉ် \ဆား\ဟင်းခတ် အရသာမှူန့်တို့နှင်နယ်ပြီးတစ်နာရီခန့်နှပ်ထားပါ။

ပြီးပါက ဒယ်အိုးထဲဆီထည့်ငရုပ်သီးအစိမ်းမှူန့်..မဆလာ..ကြက်သွန်ဖြူ နီ ထောင်းထားတာဆီသတ်ပါ ပြီးပါက နှပ်ထားတဲ့အသားများထည့်ပါ။

အသားများတင်းပါလာက ကြက်သွန်ကြော်ထည့်ပါ ရေခန်းဆီပြန်လာသည်ထိမီးအေးအေးနဲ့ကျက်သည်ထိချက်ပြီးမီးပိတ်ပါ။

ဒုတိယအဆင့်အနေနဲ့..ဒန်ပေါက်ထမင်းချက်ပါမယ်ရှင်။

ကျွန်မကတော့အိမ်မှာအမြဲချက်ဖြစ်တဲ့ရွှေဘိုပေါ်ဆန်းနဲ့ပဲချက်ပါတယ်။

ဆန်၃ဗူ်းကိုရေဆေးပြီး ဇကာနဲ့စစ်ထားပါ။

ရေသန့် ၄လီတာလောက်ပွက်ပွက်ဆူအောင်တည်ထားပါ။

ပွက်ပွက်ဆူနေတဲ့ရေထဲသို့ ကရဝေးရွက်\သစ်ဂျပိုးခေါက်\ဖာလာစေ့\နာနတ်ပွင့်..ဆား.သကြား...ဆီတို့ထည့်ပါ ပြီးပါက ဆန်ထည့်ပြုတ်ပါ...

ဆန်စေ့များ ကျက်ခါနီး ခပ်ရှည်ရှည်လေးတွေဖြစ်လာပြီးဆိုရင်တော့ မီးပိတ်ပြီး ဇကာထဲလောင်းထည့်ပြီးရေစစ်ထားပါ။ဆီထည့်ခြင်းက ဆန်တစေ့နဲ့တစေ့မကပ်ရအောင်ထည့်ရခြင်းပါရှင်။

ထောပတ်ကိုအပူပေး၍ ရေစစ်ထားသောထမင်းနှင့်သမအောင် အသာအယာ ယောင်မဖြင့်အပေါ်အောက်မွှေပေးပါ။
သီဟိုစံကိုကြော်ပြီးဆယ်ယူထားပါ။

ဒန်ပေါက်ထမင်းဖေါက်မည့်အိုးထဲသို့ထမင်း တဝက်ခန့်ဖြန့်ခင်းထည့်ပါ..

ထမင်းအပေါ်ကချက်ပြီးသားကြက်သားဟင်းထည့်ပါ..ကြက်သွန်နီကြော်ဖြူးထည့်ပါ ပြီးပါက အပေါ်က ထမင်းတထပ်ပြန်အုပ်ပေးပါ။ြ်ပီးပါက ထမင်းကို လိမ္မော်ရောင် Food Colour တစက် နှစ်စက်ခန့် ဖြန့်ထည့်ပြီး အရောင်ဆိုးပါ။

စပျစ်ခြောက် သီဟိုစံ ပဲစိမ်းတို့ဖြန့်ထည့်ပြီး အဖုံးအလုံပိတ်ပြီး မီးအေးအေးနဲ့ မီနစ်၄၀ခန့် နှပ်ထားပေးပြီးရင်တော့ အလွန်အရသာရှိတဲ့ ဒန်ပေါက်ထမင်းရပါပြီးရှင်။

ဒန်ပေါက်နဲ့စားဖို့အချဉ်ကိုတော့ ကြက်သွန်နီ ငရုပ်စိမ်း ခပ်ပါးပါးလှီးပြီး ဆားအနည်းငယ် နဲ့သံပုရာရည်ညှစ်ပြီးရောနယ်လိုက်ရင်တော့ရပါပြီးရှင်။

Thida lay Lay