ဝက်ပဲငပိချက်နည်း

ဝက်သားကို အနေတော်တုံး ဆား ဟင်းခတ်မှုန့် နနွင်းတို့နဲ့နယ် နှပ်ထားပါ။

ကြက်သွန်နီ လုံးကို ၈စိတ်စိပ် အဖတ်လေးတွေခွာထားပါ။

ကြက်သွန်နီ တစ်လုံး အဖြူတစ်လုံးကို ငရုတ်အရောင်တင်နဲ့ရောထောင်းပါ။

ဆီထည့် ကြက်သွန်ဖြူနီဆီသတ် ဝက်သားထည့်လုံးပါ။

ဝက်သားကရေခမ်းပြီးဆီပြန်တဲ့အထိ လုံးပါ။

ပြီးမှ ရေမြုပ်ရုံထည့် ဝက်သားနူးတဲ့အထိ တည်ပါ။

တခါထဲ ရေအများကြီးမထည့်ပါနဲ့။

ဝက်သားနူးတာပိုကြာပါတယ်။

ရေလေးမြုပ်ရုံထည့် ရေခမ်းသွားလိုက် ရေလေးနဲနဲထပ်ထည့်လိုက်နဲ့တည်ပါ။

ဝက်သားနူးပြီးဆီပြန်မှ ပဲငပိထည့် ကြက်သွန်နီ အဖတ်ခွာထားတာထည့် ခဏအဖုံးအုပ်ပြီး ကြက်သွန်ကျက်ရင်ရပါပြီ။

su's homemade pleasure