အုန်းနို.ခေါက်ဆွဲ

နံနက်အဆာပြေလုပ်စားနိုင်ရန် အုန်းနို.ခေါက်ဆွဲလေး တင်ပေးပါတယ်။အုန်းနို.ချစ်သူတွေ ကြိုက်ကြမယ်လို.မျှော်လင့်ပါတယ်။ အုန်းနို.နဲ.မတည့်ရင် နို.စိမ်းနဲ.လည်း ချက်နိုင်ပါတယ်။

ကဲ…ချက်ကြည့်ရအောင်

ပါဝင်ပစ္စည်းများ

ဂျုံခေါက်ဆွဲ - ၁ စည်း (ပြုတ်ပြီး ရေစစ်ထားပါ)

ကြက်သား - ၂၀ သား (အတုံးသေးသေးလှီးပါ)

ဘဲဥ - ၃ လုံး (ပြုတ်ပြီး အခွံခွာ)

အုန်းနို.မှုန်. - ၉၀ ဂရမ်

ပဲအစိမ်းမှုန်. - စားပွဲတင်ဇွန်း ၃ စွန်းမောက်မောက်

ကြက်သွန်နီ - ၄ လုံး(ပါးပါးလှီး- တွဲစားရန်နှင့်ဆီသတ်ရန်)

ကြက်သွန်နီဥသေး - ၁၀ လုံး(အခွံခွာ)

ကြက်သွန်ဖြူ - ၅ မွှာ(ပါးပါးလှီး)

ဂျင်း - လက် ၂ ဆစ် (ပါးပါးလှီး)

ငရုတ်သီးအစိမ်းမှုန်.- စားပွဲတင်ဇွန်း ၁ စွန်း

နနွင်းမှုန်. - လက်ဖက်ရည်ဇွန်း ၁ ဝက်

ငံပြာရည် - စားပွဲတင်ဇွန်း ၂ စွန်း

ဆား - လက်ဖက်ရည်ဇွန်း ၂ စွန်း

ကြက်သားမှုန်. - လက်ဖက်ရည်ဇွန်း ၂ စွန်း

သကြား - စားပွဲတင်ဇွန်း ၁ စွန်း

ငရုတ်သီးအကျက်မှုန်. - အနည်းငယ်

မုန်.ကြွပ် - ၁ ထုပ် (ကြွပ်ကြွပ်လေးကြော်ထားပါ)

ပဲကြော် - ၇ ခု

=========
ချက်ပြုတ်နည်း
=========

အရင်ဆုံး ဒယ်ထဲ ဆီထည့်ပြီး ကြက်သွန်ဖြူနီ ဂျင်း ဆီသတ်ပါ။ ငရုတ်သီးမှုန်. နနွင်းမှုန်.ထည့်ပါ။

အနံ.မွှေးလာရင် ကြက်သားထည့်ပြီး ခဏလုံးချက်ပါ။

ဆား၊ကြက်သားမှုန်.အနည်းငယ်ထည့်ပါ။ပြီးရင် ကြက်သားနူးအောင် ရေထည့်ချက်ပါ။

ကြက်သားများနူးရင် ဒန်အိုးထဲပြောင်းထည့်ပါ။

ရေ ၅ ခွက်ထပ်ထည့်ပြီး ဆူအောင် တည်ပေးပါ။

ပွက်ပွက်ဆူလာရင် ပဲအစိမ်းမှုန်.ကို ရေ ၁ ခွက်နှင့်ကြေအောင်ဖျော်ပြီး လောင်းထည့်ပါ။

ဆက်တိုက်မွှေပေးပါ။

ပဲစိမ်းနံ.ပျောက်ရင် အုန်းနို.မှုန်.ထည့်ပြီး မွှေပေးပါ။အရသာအတွက် ငံပြာရည် ၊ ဆား ၊ သကြား ၊ကြက်သားမှုန်.ထည့်ပါ။

အရသာမြည်းပါ။ အရသာအဆင်ပြေရင် ကြက်သွန်နီဥလေးတွေ ထည့်ပြီး ၃ မိနစ်ခန်.တည်ပေးပါ။

ကြက်သွန်ဥများနူးရင် အုန်းနို.ဟင်းရည် ရပါပြီ။

အုန်းနို.ခေါက်ဆွဲပြင်ဆင်ရန်အတွက် ပန်းကန်ထဲသို.ခေါက်ဆွဲလက်တစ်ဆုပ်စာထည့်ပါ။

ကြက်သွန်နီ၊ ဘဲဥ၊ ပဲကြော်၊ အကြွပ်ကြော်ထည့်ပါ။

ပြီးရင် အုန်းနို.ဟင်းရည်ထည့်ပါ။ သံပုရာသီး ၁ စိပ်အရည်ညှစ်ထည့်ပါ။

အစပ်ကြိုက်ရင် ငရုတ်သီးအကျက်မှုန်.အနည်းငယ်ထည့်ပါ။

အခုဆိုရင် အရသာဆိမ့်ဆိမ့်လေးနဲ.စားလို.ကောင်းတဲ့ အုန်းနို.ခေါက်ဆွဲတစ်ပွဲ ရပါပြီ 😉

Kyaw Min Htwe
photo#credit